Beliebte Verse in KALAPPASSANG 23

Teilen

Punna anynyombako ri Nakke, Karaeng Allata'alanu, laKubarakkakiko siagang kaparalluang kanrenu siagang inungannu, kammayatompa laKupakabellai sikontu garringa battu ri kau. Tena tubaine ri pa'rasangannu lanalari cera' yareka tamanang. LaKusareko umuru' la'bu.

“LaKusuroi malaekakKu a'jappa riolo ri dallekannu untu' anjagaiko lalang pa'jappannu siagang angngerangko mange ri tampa' le'baka Kupasadia.

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

Teako katuru'-turukangngi mae ri tau jaia punna a'gau' ja'dala' ke'nanga yareka napalekko salai hukkunga lanri assarena kasa'biang takontutojeng. Teako appasimmara'-maraengi ri parannu tau lalang ri pangadelanga, manna pole natukasi-asi anjo tau niadelia.

“Teako appasiaraki kabara' a'balle-balle, siagang teako tulungi tau ja'dalaka assare kasa'biang takontutojeng.