Beliebte Verse in Titus 2

Teilen

It taʼbokogonat nen esigit diluk kagako dogusak eti, Allah obabut pano nen yi akoni ndi akoni taʼbokogonat ndil inabigiluk yiligogo mende eti obabut enggagat selekmat disikemo werek eti pagaat o. Nit ninobabut alep Allah ebe ninobakanini togot diyasi dogolik, ninakla nen yi mende ndi mende agat oba mende warlok arlek ambasi lagagu eti togot diyalok nen, yogondak ya ninobabut ninendainggen anggorlem dogolik Allah ake motogo kagako dogowagaluk, at obabut pano eti paga yanggul nisaligogo o.

Nit yogondak, Yesus Kristus ebe Allah Endaganggok mendeat, ndil ninakike mende etnogo akoni nen pogorako nggorlek, selekma panot ninabi wisigin eti, ninakla arlenggen kasi dogolik ebe anggorlem werek. Nit alep Allah wene togot diyalok yi weyak ndi weyak kagako lagagu eti paga nininggi kerle warogo negen paknisek werekma, at Yesus Kristus nen, “It inebe an nenggaerek naʼburi atluk nen, inobabut pano mende anggilukogo kagako dogowak nen, inebe kerle piyalogo inonggo mbaligiluk, an nebe watlasigin,” yiluk yisike.

Inasuk esigit diluk wakonem, it nen, kat kobabut waganggo dogowak nen, yi mende ndi mende pasik kagako dogolik kobabut motogo kagako dogono. Esigit diluk kagako dogolik, “Wene yi nggogat,” yiluk motogo yanggul isasi dogono. Esigit diluk yanggul isasinem, it amberek wene eti inaʼit mende nen, “It weyak yega,” yiluk, wene nit ninoba ʼbukmoat yisinem, inenggarli asuwagaluk, ebe weneat, panot ninabigogo wene, weyak yusak dek mende etnogo, yanggul isasi dogono.