Beliebte Verse in Filipi 3

Teilen

Nagarlagi nirugi o. An eti ebe arat korligi yiluk nakla ambaligogo dek o. Eti korla lagaluk wene omanggi yiat kagarigogo. Eti ebe, alep kagako lagagi mende, nobabut kwalatluk, nomborlikngge togot diyalok, yabunggane ngget mende nelokoma werek mende eti korla lagaluk nobatnerogo mutluk liligogo. Kristus Yesus nimbisak kunik werekma, at Allah nen nayonggo ʼbisi dogolik, “Pano mende mbogot oba mende wokisigin,” yiluk abok yoknikikemo, ebe korla lagaluk, ta ae aʼbusuk ta ae aʼbusuk mbirirli liligogi kak, nobatnerogo mutluk liligogo.

At Kristus yi aik ndi aik kilik-kilik watlagike kak, nimbisak ndak-ndagat, an esigit dilugat aik kilik-kilik, watlasusagat ambaligogo o. Esigit dilugatma, at watlagikesikmo, Allah obatne paga ilugut disike kak, an esigit dilugat watlatlukmo, nilugut nabigin, yiluk, oba eberegat werek o.

Esigit diluk didiligogo eti arlek ʼbuk. Newe Endaganggok Yesus Kristus nilu agagi eti pano mondogat o. Yi mende ndi mende ninat mende kagako lagagi eti, wirlikogo kagako lagagimo yiluk, didiligogoat o. At ebe korlalok nen, nimbisak kunik mondok doguwogoluk, yabu oba korigogi kak, yi mende ndi mende alep kagako lagagi mende. “Weat mende,” yiluk togot diyasigi o. Wene Allah nen ninasuk wakike wene eti paga, nenggaerek nen mot kagarigogo ʼbuk. It akoni amberek inendainggen Kristus oba panggot disinem, wene inoba mende nggorogo togot diyalok yabunggane Allah inom kunogo ʼbiyiligogo kak, an esigit dilugat nendainggen at oba panggot disigimo, wene noba welagike mende nggorogo togot disike o.

An alep esigit diluk kagako dogolik, “Saburasi lagi,” yiluk ambasigi mende, yogondak Kristus ebe waganggigisik oba nen, “Alep kagako lagagi eti weat wirlikogo kagako lagagimo kigi,” yiluk didiligogo o.