Beliebte Verse in La’biyaske 2

Teilen

Esigit diluk yogisasukama at Petrus nen, “Weyak kagako lagap mende eti togot diyalok kinobabut kwalatni o. Kinobabut kwalasumo nen, weyak kagako lagap mende eti, Allah nen sagalogo deget duwagaluk kinebe dombok Yesus Kristus endaga mbalogo ima wusa ʼbinaguwak. Esigit diluk kagasumo nen, Allah Agurengge eti wokisagin o.

Inom dambukogo panoat dogolik, it ap Yesus nen inayonggo ʼbiluk laʼbiyasike mende yomenogo nen wene yanggul isasinem kunik-kunigat inasuk kolkik, kimbiri inom nggusogo ninggik, sembayan inom yigik, kagako laguka.

Inilenggen esigit diluk kasi nggorlek, Allah Agurengge it taʼbokogonat inakla nggerlekogo unggisike. Unggiluk, Allah Agurengge nen, “At eti ane esigit diluk yisi dogowak,” yiluk akla ambasike ndak-ndagat it akoni ninat mende inane paga yuwagaluk yanggul isasi nggorlek elalinat yisi laguka.

eranogoat, o kwiyakne pulka wago dogolik ane yiligogo eti kak, Allah mbogot oba nen wusa ʼbi wagikemo, ane kuwak yisinem, it akoni uma korek welaguka mende yomenogo taʼbokogonat ane inasuk kolkuka. Inasuk kolkukasik inilenggen ʼbikasuka mende, kindu amulok negen nggulunet kilik inebe dombok inoba wusa ʼbi wagonem, inilenggen kasuka. Inilenggen esigit diluk kasi nggorlek, Allah Agurengge it taʼbokogonat inakla nggerlekogo unggisike. Unggiluk, Allah Agurengge nen, “At eti ane esigit diluk yisi dogowak,” yiluk akla ambasike ndak-ndagat it akoni ninat mende inane paga yuwagaluk yanggul isasi nggorlek elalinat yisi laguka.

Esigit diluk kagako dogolik, ininggi omanggi puk agidek kunik-kunigat Allah ago palekma nandokik, inakla arlenggen kasi dogolik, inobabut sebekogonat inaguma kimbiri inom nggusogo ninggik kagako laguka. Esigit diluk kagako dogolik, it nen Allah pogorako werekma, it akoni taʼbokogonat nen, “It pano,” yiluk pogorinako laguka. Pogorinako werekma, ninewe Endaganggok nen, inggi omanggi puk agidegat, akoni amberek ndilogo Allah aʼburi inom omanggiat dambukogo ʼbiyasi lagike.

At nen, men yisike, At Allah nen yisi dogolik, O ilugun oba an Nagurengge eti, nggokogonat akoni taʼbokogonat inoba wusa ʼbi wisigin o. Wusa ʼbi wagonem, kinaʼburi elege inom, komagarligi inom, nen an nane akoni yogisigik, kinagoromi elege tawe negen nen inaʼbi kigik, kinombae lak inarlonggandek mende nen inaʼbi kigik, kagako dogogun o.

It akoni amberek wene eberogonat yiluk wagangguka mende inom omanggimo pano dogolik, inamende yi mende ndi mende ake, “Nit ninom omanggiat ninamende o,” yiluk dambukogo pago welaguka. Esigit diluk dogolik, it amberek nen, inagat inom, inamende inom, onggo uang waganiluk, uang eti it Allah aʼburi mende yomenogo inebe dombok sumburisasi dogolik, it amberek inamende dek mende erlok sumburisasi laguka.

Esigit diluk kagat lago nggorlek, kit akoni nen an kinombae Nendaganggok nendaga mbalogo nayonggo ʼbugun mende inebe dombok ndil inabigin o, yiluk Yoel nen yisike.

An kinombae Nendaganggok nen nggokogo kagakonem akoni nen pogotnako nggorlek wisigin etinem awan wagidek werek nggorlek, o mulinggi elokonggen ninat ki agik, sut elokonggen mep agik, eti ndak kagat lasigin o.