Beliebte Verse in 2Petrus 2

Teilen

Esigit dilugat, akoni amberek Allah warlok mende kagakonem inakla nggagaligiluk wagonem, ninombae Allah Endaganggok nen ndil inakik, nen it amberek weyak kagarigogi mende kalok, wene yabunggane inoba ʼbigiluk, pagisek welagik, esigit diluk kagasusak ilu dogoligat erlok kagasigin o.

It eti, ebe wene motogo mutluk liligogi eti, inilu agidek dogolepma, pano negen dogolep. Mende, inilu atluk nen, wene Allah nen ninasuk wakike wene eti togot diyalok, nomokogo liligogi eti paga, mondok weyak asugun o. It eti, akoni nen inane dagakogo men yiluk yiligogi eti kak kagako dogogun, “Yengge nen ʼbeʼbak uʼbiluk, yabunggane iyogoba na liligogo o.” Nen, “Wam owado pano nggume watluk mende yabunggane ʼbisi yuguli liligogo o.” yiluk yiligogi eti kagat, it esigit diluk eberogonat kagako dogogun o.

Akoni taʼbokogonat nen, yi mende ndi mende obatne atluk obatne deget disinem, obatne asigin mende eti, anduwanengge werek eti paga, it eti inenggaerek inebe weyagarinabigogi mende eti anduwanengge dogolik, it akoni amberek yogisasi dogolik, “Kit nit ninobabut waganugun kalok, yabunggane kinasokneat asugun o,” yiluk we yugunat yogisasi dogogun o.

Akoni agat oba weyak kagarigogi mende yoma togot diyalok, lo duki witluk nen, ninewe Endaganggok Yesus Kristus ndil ninakike mende ebe inilu atlugat, yabunggane iniyogoba weyak kagarigogi mende eti oba unggisinem, mul erloma unggisinem inebe paʼbiyaligogo kak, paginabumo erlok degat asugun o. Erlok degat atluk, alep weyak welaguka eti ʼbugurlagat pano negen. Mende, yabunggane weyak asugun eti nggok mondok weyak atluk dogogun o.

Alebat, ap Allah wene yogisasi laguka mende salek wagukasik, inenggalat yisi laguka mende, Allah aʼburi inakla melarik waguka. Eti ndak-ndak, yabunggane ap ebe wene yanggul kisiligogi mende salek kagarogo witluk, inenggalat yisi dogogun mende kinakla amberek winam arik wisugunat o. Winam atluk nen, wene akoni inebe weyagarinabigogo wene yokisa unggi wisugun. Unggi witluk nen, ninewe Endaganggok nen it ninomat ndil ninabigiluk ninonggo mbalkike mende, it nen, “At eti, nit ninewe dek o. Ninonggodek,” yiluk laʼbelko dogogun o. Laʼbelumo, inenggaerek nen wene ibat inoba ʼbakalok weyak agakun o.