Beliebte Verse in 1Timotius 3

Teilen

Wene eti nit Allah apma dogolik eberogonat yiluk ambaligogi wene limago welagike mende Allah nenat selekmat disikemo, “Wene eti nggok,” yiluk ʼbukakogo yiligogi o. Wene eti, At Kristus ebe akoniat winam agike o. At Allah Agurengge nen, “At Kristus eti eberogonat,” yiluk selekmat disike o. It malaikat Allah nen yonggo wusa ʼbiya wirigogo mende inilenggen kasukaat o. Agoromi nen at kagako lagike wene etnogo yi akoni ndi akoni sikmangge mende yogisilik laguka o. Akoni o yi ai ndi ai mende amberek dogalegat nen, “At ebe eberogonat,” yiluk inendainggen at oba panggot disuka o. Allah nen mbogot oba pogorako mondok dogoligogoma liya ʼbisikemo werek o. Wene eti, at Allah nenat selekmat disikemo ʼbukakogo yiligogi o.

Eti paga, ap Allah aʼburi inanggorlem dogowagaluk, inobabut yi negen mende mendiyausak. Akoni amberek nen, “At weyak,” yiluk wene oba ʼbigidek mende kalok, age omanggiat mende kalok, weyak kagasuwagaluk akla nggagalkonem endainggen enggaerek nen anggorlem werek mende kalok, endainggen nggagalek mende kalok, kagasusak mende ndak-ndagat pano kagarigogo mende kalok, ap kuso wagonem woginakik, kimbiri inake panorogo iyakik werakik kagarigogo mende kalok, obabut wene panorogo yanggul isiligogo mende kalok

enggaerek nen aʼburi mende pano nggarelogo pagisek werekma, at aʼburi nen inombae apma dogolik alon palogo kagakik, ane yisinem kologo kagakik, kagarigogo mende kalok, inobabut esigirlik mende kalok Allah aʼburi inanggorlem dogowagaluk mendiyausak o.

It ap Allah aʼburi amberek yamagiyiligogi mende dogusak eti, inagugi omanggiat waganek dogolik, inaʼburi inom, inagoromi inom, panorogo nggarelogo pagisek werek mende kalok, mendiyausak o. It nen Allah aʼburi amberek panorogo yamagiyasinem, Allah aʼburi nen inabok pano yisi dogolik inane inalon palogo yogisasi dogogun. Esigit diluk yisinem, it nen, wene ninendainggen Kristus Yesus oba panggot diligogi wene eti pasik, inayuk dek ʼbukakogonat yogisasi dogogun o.