Beliebte Verse in 1Petrus 4

Teilen

Wene nggok negen yi. Kit-kit naʼbuwa-kaʼbuwarogo kagako dogolik, omanggi nen omanggi weyagat digin mende sagalogo mondok deget dugun eti paga, kit-kit kinagarlagi kinirugi kinom naʼbuwa-kaʼbuwarogo mondok kagako dogono o.

At Allah obabut pano nen, ninebe dombok ninobabut arlikendek dombok woknisasike ndak-ndagat, kinebe dombok nen eti mende pano inde dogolik, kit-kit yamak-yamak kagako dogono o.

Esigit diluk kagako dogolik, Yesus Kristus kinom kunik dogolik kagakonem, it akoni amberek nen Allah pogorako dogowagaluk, kit amberek nen wene yogisasi dogolik, Allah weneat yogisigik, kit amberek nen it amberek yamagiyasi dogolik, Allah obatne woknisiligogo eti pagaat yamagiyigik, kagako dogono o. Esigit diluk kagako dogolik, Yesus obatneyak ikok mondok werek etnogo pogorako mondok doguwok, yiluk, “Amin,” yigi o.

Mende, akoni amberek nen, “Kat Kristus agot, kebe Kristen mende,” yiluk yi aik ndi aik kagat kinako kalok, kinenggarli agup o. “An Kristus agot kalogat at endaga mende an nendaga salogo yoknirigogi eti panoat o,” yiluk Allah pogorako dogono o.

Yi mende ndi mende taʼbokogonat ilugun oba kagat lasigin mende korogat asi waga yiluk, sembayan yisi doguwogoluk, kinendainggen sebekogo dogolik, kinobabut kwalogo dogono o.

Nagarlagi nirugi o. Kinebe kinaʼbuwa o. Kali aik kiligogi eti kak, Allah nen, kinaren mbaligiluk yi aik ndi aik kinoba agonem, kinakla nen, “Yi ninat kiligogo dek mende ninoba arigogo,” yiluk ambagup o. At Allah nen Kristus ebe selekmaat laʼbi wagonem, pogorasugun etinem, kinakla arlenggen kuwogoluk, kinakla nen, “At Kristus oba yi aik ndi aik kilik kilik watlagike kak, nit at ninom kunik dogolik esigit dilugat kiligogi,” yiluk kinakla arlenggen kasi dogono.

Kinagarlagi kinirugi kinom, kit amberek nen it amberek inaguma lagik, it nen kit kinaguma wagik, kagako dogolik, inebe woginatluk, kinakla nen, “Naʼit o,” yiluk ambigidek woginako dogono o.

Kit Allah akla ambasike pagaat kinoba yi aik ndi aik esigit diluk kiligogi kalok, kinakla nen, “At ninebe walniyasike mende etiat oba panggot diluk dogusak, pano,” yiluk kinendainggen at oba panggot diluk dogolik kinobabut pano kagako dogono o.

Akoni yi aik ndi aik kalok, inebe watlatluk, yabunggane weyak kagako dogusak dek eti paga, at Kristus yi aik ndi aik kilik kilik ebe watlagike eti kak, kit men, akoni sin yikogo inobabut kwalogo dogoligogi eti kak, at Kristus obabut waganogo, yi aik ndi aik kasi dogolik kinobatnerogo dogono o. Eti paga, kit nen akoni yi mende ndi mende warlok nen inendainggen nen niligogo eti mende togot diyalok, kurli yogondak kurli nen, agat oba yoma kiniluk dogolik Allah akla warlok ambaligogo mende eti arlek kagako dogono o.

Akoni amberek nen at Kristus pasik mbet kisasi kalok, kinakla nen, “Allah Agurengge pogorarigogo mende etnogo, ninoba duksek werek o,” yiluk kinakla arlenggen kasi dogono o.