Beliebte Verse in 1Korintus 13

Teilen

Akoni amberek inebe inaʼbuwarogo dogolik, inendainggen tebek yiluk dogoligogi o. Esigit diluk inaʼbuwarogo dogolik, inobabut pano uwa mbalek dek dogolik, inenggaerek nen siyadakigik-wogudakigik, kagarigogi dek o. Esigit diluk dogolik, inobabut panggolek welagik, yi mende ndi mende inenggaerek arlek inake nggogot digik, inakla agaga ibat-ibat dagagik, it amberek nen weyak kagarinakonem wene inakla eberek mondok welagik, kagarigogi dek o.

Inaʼbuwarogo dogolik, yi wene ndi wene inoba agonem, inobakanini kambuk yiluk welagik, inendainggen Allah oba panggot diluk welagik, pano asigin yiluk inakla arlenggen kigik, inendainggen kambuk yiluk welagik, kagarigogi o.

Esigit diluk inaʼbuwarogo dogolik, it amberek nen motogo kagakidek nggorlo kagakonem inakla arlenggen kigidek dogolik, mot kagakonem arlek inakla arlenggen kiligogi o.

Mondok dogogin eti, ninendainggen Allah oba panggot diluk werek eti inom, pano asigin yiluk ninakla arlenggen kasi eti inom, akoni inebe inaʼbuwarogo werek eti inom, wene ebe kenagan etaat mondok dogogin. Mende, ebe nggok kak, akoni inebe inaʼbuwarogo dogusak etiat o.

Esigit diluk kagako dogoluk nen, ininggi omanggi paga, Allah wene yogisiligogi eti mende yabunggane yogisausak dek agik, akoni inane inonggodek mende elalinat yiligogi eti mende yabunggane yusak dek agik, yi wene ndi wene inilu dogoligogi mende eti yabunggane inilu asusak dek agik, kagasugun mende, akoni inebe inaʼbuwarogo dogoligogi mende etiat, dek agidek mondok dogogin o.

An nen akoni inunggulowak endaga dombok amberek inane paga yigik, malaikat Allah nen yonggo wusa ʼbiya wirigogo mende yomenogo inane paga yigik, yisi dogolik mende, akoni inebe inaʼbuwarogo dogogin dek kalok, an sogorluwak nggok mende ʼbugurlak mende i akla kenago dekma ane dirlok yigik, domban yigik, yiligogo kak yisi dogusak o.

Nen, Allah wene pano mondok yogisigik, wene akoni inakla limago dogoligogi mende eti taʼbokogonat nilu agik, yi wene ndi wene taʼbokogonat niluat welagik, nendainggen Allah oba mondok panggot diluk ndom omanggi obalikmo nen kigikogo werlekmangge lowagaluk yogosusak erlogat welagik, kagako dogolik, akoni amberek inebe inaʼbuwarogo dogogin dek kalok, wirlikogoat kagako dogusak o.

Yi mende ndi mende an ninggimo mende taʼbokogonat akoni inamende dek mende sumburisigik, nebe mondok warogo kali nowagaluk neramenat kagakik, kagako dogolik mende, akoni amberek inebe inaʼbuwarogo dogogin dek kalok, wirlikogo kagako dogusak o.

An nebe elege paga, nane elege inane mende yigik, nendainggen elege inendainggen mende welagik, nakla elege inakla ebeko mende ebekik, kagako lagagi mende, yogondak nebe narluwe agagisik nen, nobabut elege inobabut mende eti arat togot disigi o.