Beliebte Verse in FARFYAR RO MANWAWANSYA 2

Teilen

Inja Petrus kyarem faro si: “Mkombror ma iḇye kada mkor fa mkosma masi sren kuker snonsnon Yesus Kristus ḇeḇuk ampun ro sasar mkobena, ma nari mkosma Rur Ḇesren.

Sikam si souser manwawan ansi farkarkor sena kuker ḇaḇeoser. Ma sikam siraryur ḇesyakwar fa spanasnis mamami ma senadi.

Ma sifo kuker Rur Ḇesren, mboi sirandak sawos ro wos-wos ḇeso, raris moḇ Rur ya ḇyuk fa sawos raya.

Kniko rakrok oso dado ro nanki imnis wam doḇer ma kyain nosen rum, skain ro ya; ma smam sak-sak ono namnis ramar, nasber ma nkain ro siḇrusna. Ma sifo kuker Rur Ḇesren, mboi sirandak sawos ro wos-wos ḇeso, raris moḇ Rur ya ḇyuk fa sawos raya.

Kuker ḇaḇeuser ma kuker sne oser siryur ro ras-ras kam ro Rum Allah. Spanasnis mamami ro rum sena oser-oser ro rum ḇe rum ma sanan kam kuker raryaḇ ma kuker sne ḇenapes, mboi sisandik Allah. Ma kawasa kam simarisen si. Ma ras-ras nakam Manseren ḇyuk kawasa sibor fa sifnoḇek kuker snonkaku ḇesma aski.

Roi ḇeḇor nane ro ras ḇepupes nari ndama imnis Allah wos ḇyena nari yawan Rur Yedi faro kawasa kam; ma nari Rur ya fyarkor romawa-inai mkoḇesi fa sawos roi ono, ma snonkbor-inkbor mkoḇesi nari smam mamam ono, ma kawasa mansar mkoḇesi nari smafu mafu ono.

Ma kawasa ḇekyar kwar syakada sḇeoser ma nana sena snakam na, ma ro fandu si, ono sisya sḇoḇ ḇesya kwar nana sena ma sirarwasna faro kawasa ansi imnis ananjar sena oser-oser.

Ma mansei ḇefararyor kuker snonsnon Manseren nari isma aski.

Ma ori nari syadwer fa pyampanbos ma paikya irik ḇepon ro ras Manseren ifyafer ya, ras payamyum ḇeba ani.