Beliebte Verse in Lukas 11

Teilen

Dahi dioa', moinnakato anna to karakekoa', ampo' ponna mala turakoa' dio umbea änä'mu aka-aka ang mapia, ya' londonne' Ambemu yaho di suruka tantunte' anna la nabeai Inaha Maserona pano di tau ang la mampalau dai'.”

Dahi dianto anna kuoaingkoa'tee: Palauia' anna la dibeakoa'; peängngi anna la ullambi'ia'; pende'de'koa' anna ditungka'ingkoa' baba.

Aka' pano di tau ang malau la natahimbo yato palaunna, anna pano di tau ang mahpameäng la nalambi' yato pahpameänna; noa tunne' pano di tau ang mende'de' la ditungka'ing baba.

Sika natimba'mi Puang Yesus naoaintee, ”Ponna ma'sambayangkoa', ya' pasinnoa indee: O Ambe', kihannuang la tontong dipa'käyyängngi sangammu. Suleo pahentaang.

Ampungngii ingkänna kasalaangki', aka' ungngampungngi touang kami' kasalaanna solaki' pano di kami'. Anna daa umpabeii pesändä' nasändä'iang.”

Pasundungngingkang allo-allo andeang ang kipahallu.

Matammua' dianto ang mendahi ballo yaling di kalaemu. Ponna mapia matammu, ya' ingkänna kalaemu la naballoi asang. Ampo' ponna karake matammu, ya' malilling asanto ingkänna baheang yaling di kalaemu.

Napatahhi' bumi tula'na Puang Yesus naoatee, ”Daete' aha mesa tau la umpau' lampunna, mane nabunii bahtu' nasalohko'i baki, ampo' napatokoete' dai' di ongeang ang malängkä' anna malai pesilona naita ingkänna tau ang mentama yato di dasang.