Beliebte Verse in Wlǔmɔ 6

Teilen

Kokoɛ̌ nɛ̀ moo snǒ sàe dɛ kpni kukwǐ mi a nyema. Kɛɛ Nyesoaa nyee dɛà Ɔ nye ämoo ɛ̈ see dɛ po nɛ̀ moo kmɔ̌ sie fònfno ɛ̈ diiě Tentǎn Jǔ Jùsu mǒ Ɔ̈ moo äa Koɔn.

Tè kɔn tè kpni kukwǐ ně kwɛn aa kmɔ̌ neneɛ win kwa nɛ̀ moo a slě teteǎ bobo ne, a neeě Nyesoaa wlòo jlajlǎ dɛ bobo ɛ̈ɛ̌ sà Ɔɔ wlò kǔ mǒ keǒ a mɔ̀.

Bɛ̌ nu bä poo ně dlǒ, ɛ wǒ je keà ä kǒo plě u mǎna ämoo Tentǎn Jǔ kɛn bo u tùa ämoo bo. Dɛǒ nɛ̀ nu ɛ keǒ Tentǎn Jǔ nuaa äa Gbeǐ Nyesoaa kpě sàlaě Ɔɔ kǒla mǒ, kě ɛ nu ke ä mi kmɔ̌ jajlo nema.

Aǎ sonwɛǒ aa chɛ̀ mɔ̀ mǒ keǒ dɛ kukǔ nunuɛ mɔ̀, bǎ ke ɛ ni, è kpni kukwǐi wakǎ kɛnʼǒ a wɛ̀ɛnʼě. Kɛɛ a wɔ̀ɔnʼě Nyesoaa wakǎ kɛn, è ba nye aa chɛ̀ Nyesoa a mǐ jebo siǐn noǎa nu keà nyu tɔ̀ɔ mii numa ɔ̈à Nyesoa sà lěe kǒla mǒ ɔ̈ nee kmɔ̌.

È ke ä nu ɛɛ jijiɛ nɛ̀ moo ä jaě äa kpni kukwǐ kmɔ̌ dakěà ǐ kɔɔǒ pète bɛ̌ tu jleě i klee Tentǎn Jǔu sɔ̌n ɛ̈ di ɛɛ numa ä mǐ kpni kukwǐ fǒ měne sà äǎ dii kɛ̀ kèiapo tù keǒ i mɔ̀.

Kě ba nu aa chɛ̀ jejeɛ̌ klě wakǎa doǒ wlòmo ɛ̈ moo a see kɛ̀ lě kpni kukwǐi kpě bobo ne, kɛɛ a kɔn tè wlò popoɛ klě Tentǎn Jǔ Jùsu mǒ ɛ̈ nu ɛɛ ǎ nii Nyesoaa konkwa.

È ke ä miǐ kɛ dǎ? Deě ä ni kɛ a nɛ bä nee kpni kukwǐ kmɔ̌ ɛ̈ di ɛɛ numa Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ ɛ mǐ kɛn le bebee lee? Ɛ se bò nu! Bɛ̌ nu bo kpni kukwǐ bǐ see kɛ̀ ä win kwa kɔn, è mɛ kɔɔ̌n tè ä neě kɛě i slè bo kaǒ?

A se kɛ i ji ɛ̈ moo bɛ̌ nu bǎ wɔɔn ɛ kɛn keǒ ba nuu nyu konkwa mɔ̀ klee ba tùǒ ɔ bo, a moo nyuǒ ɔɔ kèi le? Bɛ̀ ba moo kpni kukwǐi kèiapo a mǐ kǒ ɔ̀ɔ̌ ba moo Nyesoaa nyebajle a mǐ jebo siǐn nyo tù.

Tǐ gbeià sìnʼaa a mooa kèiapo keǒ kpni kukwǐ mɔ̀, kɛɛ ä pe Nyesoa tàto keǒ ba di aa wlè wùɛ kwlǎ mǒ sà ba diǒ Ɔ bo tù, ba mǒ jebo siǐn kmɔ̌ǒ u teea amoo ne. A pe Nyesoa tàto Bɔ di a bo jle klě kpni kukwǐ slè, ii tè klě tǐà wlòmo a moo jebo siǐn kèiapo.