Beliebte Verse in Matiɔ̌n 19

Teilen

Kɛɛ tà Ɔ tana uu wùɛǒ je le, è kě Ɔ dɛ̌a Ɔ je, “Tùonyu slě ɛ wɔ̀, kɛɛ Nyesoa wɔ̀ě noǎ wùɛ nunuɛ ne.”

Uu sɔ̌nʼǒ u see kɛ̀ tàii sɔ̌n, u moo dɛɛ do. Tèǒ nì kɔn tè nyopòà Nyesoa poǒ tàa do nyu wùɛ nɔ̀ bɔɔ̌ sèsɛ u je le.”

Ɔ tùa u kɛ̀ɛn Ɔ je, “A sěɛlǎ kɛ lɛ slè klě Nyesoaa win wlòmo ɛ̈ moo, ‘Sɔɔnʼě kmɔ̌à ɛɛ wlò tùla mǒ tà Nyesoa nuaa noǎ wùɛ, Ɔ nua jbɛju klee nynɔ le?’ (Gen 1.27, 5.2) È kě Ɔ dɛ̌a Ɔ je, ‘Tèǒ nì kɔn tè jbɛju siǒ ɔɔ naǎ klee gbeǐ bo ɔ klee ɔɔ nynɔ ǔ pɛ tǐn koǔ bo ǔ ni dɛɛ do.’ (Gen 2.24)

Ii tè Ɔ tmɛɛ̌a Ɔɔ mɔ̀ cheěn nyo Ɔ je, “A sɔnʼǒ jlǔǒ mɔ̀ mǒ bu diɔɔ̌ mɔ̀! A bɔ̌ u je le kenkaea. Mɛ kɔɔ̌n tèǒ joo nɛ̀ moo u wǒ je nyopò Nyesoaa win kwa konkɔn kɔnʼǒo mɔ̀.”

È Jùsu kpɛɛa Ɔɔ win nya Ɔ je, “Nyopò fòfoa ü kɛn lěe nya u miǎ demǒ bɔɔ̌ nyo tùba, è nyopò fòfoa ü bɔɔ̌ěe demǒ nù miǎ nyane nyo tùba.

Nyu wùɛ ɔ̈ miǒo ɔɔ mamǔ jbɛju klee ɔɔ mamǔ nyneju klee ɔɔ gbeǐ klee naǎ ɔ̀ɔ̌ ɔɔ nynɔ klee ɔɔ jlǔ klee ɔɔ chèa bo sibaa chɛ̀ keǒ Ně tè mɔ̀, Nyesoa mi ɔ noǎ klee nyopò fòfoa nyema i mǐǒ ɔɔ nyopò klee noǎǒ ɔ siǒ bo mǒ sìn plě Nyesoa mǐ ɔ kmɔ̌ sie fònfno nye ke.”

È Jùsu tùa ɔ kɛ̀ɛn Ɔ je, “Bɛ̌ nu bò jlɛ̌ nè Nyesoa dɛ bɛ snǎě mɔ̀le kpǎkpǎ, mu nè konkɔn noǎ plo, mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, mìě di mìǐ de na.”

È Jùsu gbàla ɔ wan Ɔ je, “Mɛ kɔɔ̌n tè gbɛ̀ɛ̌ɛ kɛ mǒ wan keǒ dɛ monoo kàan ɛɛ tè mɔ̀? Nyesoaa do sosǒ Nɔ̀ moo kàan. Bò jlɛ̌ bò kɔ̀n kmɔ̌ sie fònfno, è bò tùǒ Ɔɔ teteǎ bo.”

Ě tmɛɛ̌ ane, ɛ nu dɛ jɔpǒ keǒ bùkɛn sòko bɔ bɛɛě diěe wɔn wan tìe ɛ̌ sìnʼǒ pònpan nyu bɔ beě Nyesoaa win kwa konkɔn bobo.”

Tèe jleě nìà Ě tmɛɛ̌ amo, jbɛju wùɛ ɔ̈ mii nynɔ bɔ̌ba plě ɔ̈ mii nynɔ tɔ̀ɔ kɔnma, ɔmo jbɛjuǒ wlawleǒ ɔ ni, ɛ̀ sìnʼǒ nynɔǒ bɔ̌ slě sèn bo mǎ keǒ ɔ mɔ̀ plě. È jbɛju wùɛ ɔ̈ mii nynɔǒ nyu tɔ̀ɔ bɔ̌ɔ kɔnma, wlawleǒ ɔ ni ke.”

È Jùsu tmɛɛ̌a Ɔɔ mɔ̀ cheěn nyo Ɔ je, “Kàan tèà Ě tmɛɛ̌ amo, ɛ moo wan jakǎ dɛ keǒ pònpan nyu bɔ sɔnʼǒ Nyesoa mɔ̀ mǒ Bɔ kɔn ɔ win kwa.