Beliebte Verse in Lǔkù 11

Teilen

Tèǒ nì kɔn tè amoà monoo dɛ kukǔ nu nyo bǎ ji kàan dɛ tae ba nye aa jlǔ, è aa Gbeǐǒ neěe jɔkɛn bǎ gbà Ɔ wan dɛɛ tè, Ɔ ji kàan dɛ Bɔ̈ nye amoo no ɛ̌ sìnʼǒ a mǒ. È nyopòà gbà Lɔɔ wan keǒ Ɔɔ Ngmà Je Ne Sùsuu tè mɔ̀ Ɔ mi Ɛ ù nyema.”

Ii tè dɛ Ě tmɛɛ̌ amoo nɛ̀à, a gbà Nyesoa wan dɛɛ tè, Ɔ mi ɛ a nyema, ba pɔ̀n dɛ le klě Ɔ mɔ̀, a mi ɛ jěba, ba be chnu, Ɔ mi a je knama.

Mɛ̌oǒ joo nɛ̀ moo nyu wùɛ ɔ̈ gbɛ̀ɛ lee Nyesoa dɛ wan, Ɔ nye nɛ ɔ̀ no, nyu wùɛ ɔ̈ pɛ̀ɛn dɛ le klě Ɔ mɔ̀, ɔ mi ɛ jěba. Nyu wùɛ bɔ̈ be chnu, Ɔ mi ɔ je knama.

È kě Ɔ dɛ̌a u je Ɔ je, “Bɛ̌ nu bǎ keě Nyesoa mɔ̀ boɛ kě ba dǎ, ‘Äa Gbeǐ Nyesoa, nɛ bo nyopò bu nyeǒò tùtuɛ wòje Ngmà Je Ne Nyesoa. Nu Nè win kwa konkɔn bɛ kɔn äa kmɔ̌ neneɛ win kwa. È keǒ Nè kɛn wɔɔn dɛ nii klě jɔkɛn kě bɛ nu kělɔ kmɔ̌ mɔ̀.

Poo äa dɛ kukǔ ä nii ɛɛ tè wlò le keǒ ä nii nyu wùɛ bɔ̌ nu ämoo dɛ kukǔ mǒ ä pee ɔɔ tè wlò le, è Nè kpɛě ä měne tèntɛn slè.’ ”

Nye ä didi dɛ ɛ̈ ä jlɛ̌ɛ keǒ chnɛ̀ jlǒ waě wùɛ mɔ̀.

Nè jleě nɛ̀ moo nè fǒà ɛɛ nǎpe, ii tè bɛ̌ nu nè jleě bɛɛ̌ kma, è kɔ̀n bo jě le tɛɛ. Kɛɛ bɛ̌ nu nè jleě bɛ̌ ke kmɛ, è slè wɔ̀ bò jě le tɛɛ.

È dɛ tɛɛ Jùsu boɛa uu je de nɛ̀à Ɔ je, “Ɛ se nyu kɔn bɔ̈ tùu nǎpe jleě plě bɔ̈ wɛ̌ lɛɛ ɔ̀ɔ̌ bɔ̈ chlì ɛɛ plɛ̌ dlǒ, kɛɛ ɔ kɔn bɔ tùǒ ɛ kǎ slè bo ɛ̈ di ɛɛ numa nyopòǒ mii koǔ bo paba u mǐ ɛɛ pepě jě.