Beliebte Verse in मत्ती 27

Teilen

कोई तिन्न बजे रे आस-पास यीशुये ऊच्चिया अवाज़ा च गलाया, “एली, एली, लमा शबक्तनी?” यनिके “मेरे परमेशर, मेरे परमेशर, तैं मिन्जो कजो छडित्या?”

कने देक्खा, मन्दरा रा पड़दा उपरा ते लेईने थल्ले तक फटीने दो टुकड़े हुईग्या; धरती कम्बीगी कने चट्टानां फटणे लगी गियां, कने कब्राँ खुली गियां कने परमेशरा रे मूईरे पवित्र लोकां रे कई मुर्दे जिस्म जिऊंदा हुईगे

यीशुये फेरी भीं ते इक बार जोरा ने हाक पाई कने अपणा प्राण परमेशरा जो देईने मरया।

फेरी सुबेदार कने होर सिपाही सै जे तिस सौगी यीशुये रा पैहरा देई कराँ थे, हिल्लण कने सै जे किछ तित्थी हुया था तिस्सो देखीने बड़े भरी डरिये कने गलाया, “सच्ची जो ये परमेशरा रा पुत्र था।”

फेरी तिस सारे देशा च दपैहरा ते लेईने तिन्न बजे तक अन्धेरा इ छाईरा रैया।

तां पिलातुसे तिन्हांते पुच्छया, “फेरी यीशुये जो, सै जे मसीह कहलाया जां, तिसरा क्या करूँ?” सारयां तिसने बोल्या, “इस्सो क्रूसा पर चढ़ाओ।” पिलातुसे गलाया, “कां, तिने क्या अपराध कित्तिरा?” कने सै कने बी जोर-जोरा ने बोलणे लगे, “इसजो क्रूसा पर चढ़ाओ।”