Beliebte Verse in Kisah Para Rasul 16

Teilen

Dorang manyao, “Percaya jo pa Tuhan Yesus supaya ngana bole slamat, bagitu lei deng samua yang ada pa ngana pe ruma.”

Kong kira-kira tenga malam, Paulus deng Silas basombayang deng manyanyi lagu-lagu pujian for Tuhan Allah, kong tu orang-orang bui laeng badengar pa dorang dua. Kage-kage jadi tana goyang pe kuat skali sampe tu bui pe fondasi-fondasi iko tagoyang. Waktu itu jo, tu samua pintu tabuka deng tu rante-rante yang da ika pa samua orang di bui talapas.

Abis itu tu kapala bui bawa kaluar pa dorang dua, kong babilang, “Bapak-bapak, apa tu kita musti beking supaya kita bole mo slamat?”

Waktu tu kapala bui tabangong, dia lia tu pintu-pintu bui so tabuka samua. So itu dia jadi tako skali, jadi dia cabu de pe peda for mo babunung diri, lantaran dia pikir tu orang-orang bui pasti so lari. Mar Paulus bataria pa tu kapala bui, “Hei bapak! Jang bunung diri! Torang samua masi di sini.”