Beliebte Verse in MAELE 2

Teilen

Ke Morena ya fanang ka bohlale, tsebo le kutlwisiso di tswa ho yena.

Mora wa ka, ha o ka mamela polelo tsa ka, wa boloka ditaelo tsa ka; wa sekehela bohlale tsebe, pelo ya hao ya labalabela ho ba le kutlwisiso; ha o ka ipiletsa hore o be sedi, wa kopa hore o be le kutlwisiso; ha o ka e batla sa hoja o batla silefera, wa e batla sa tlotlo e le patuwe; kutlwisiso ya ho tshaba Morena o tla e fihlela, ho tseba Modimo le hona o ho fumane.

O hlokomela metsamao ya ba lokileng, ke thebe ho ba hlokang kodi. O baballa ba lokileng tseleng tsa bona, batshepuwa ba hae a ba sireletse.

Ba lokileng ba tla phela lefatsheng, ba hlokang kodi ba ahe ho lona. Ba kgopo ba tla fediswa lefatsheng, mahlabaphiyo a timetswe ho lona.

O tla phemiswa mosadi wa sehlola, mosadi ya ekang ka dipolelo, ya sa tshepahaleng ho monna wa hae, ya lebalang selekane sa Modimo wa hae.