Beliebte Verse in Juan 2

Teilen

Tsaynömi Galileacho kaykaq Caná markacho punta kaq milagruta Jesús rurarqan. Munayniyuq kashqanta rikarmi discïpulunkuna payman yärakärirqan.

Tsayno niptinmi Jesús kayno nirqan: <<Mamay, ¿imanirtaq tsayno niykämanki? Manaraqmi hörä chayamunraqtsu>>.

Tsawraqa sirvientikunata Jesús kayno nirqan: <<Tsay urpukunaman yakuta juntaqpaq winapäkuy>>. Tsaymi yakuta winarqan juntashqanyaq. Juntarkuptinnami Jesús kayno nirqan: <<Ichiklata chaqarkur apapäkuy mayor sirvienti yawananpaq>>. Tsayno niptinmi Jesús nishqannöla chaqarkur apaparqan.

Tsayno niptinmi Jesús nirqan: <<Kay templuta juchutsipäkuy. Juchutsiptiki kimsa junaqlatami sharkatsishaq>>.

Tsayno tariykurmi sumbadorta rurarkur lapan rantikuqkunata uyshantinta töruntinta templu patiupita Jesús qarqurqan. Qellay trukatsiqkunapa mësankunatapis tikrarmi qellayninkunatapis mashtar usharqan. Paluma rantikuqkunatanami kayno nirqan: <<¡Kaykunata jorqapäkuy! ¡Imanirtaq papänïpa wayinta mercäduman tikratsishqanki!>>