Beliebte Verse in Yosua 1

Teilen

Tä' daka too puhangko kuuaam: <Pomatohoi penabammu anna pobahanii kalemu?> Daa ummahea' anna daa umpa'duhho aka Kao DEBATA, Puang Allataala to umpenombai kuundu'ko kupatette moi umba ngei muola.>>

Tä' deem la monda pudu'mu umpengkadaam Paondom ia too, sapo' la umpasalui hia penaba allo bengi anna mala maintingko untuhu'i ingganna indo tituli' illaam. Ianaanna umpateenni, la kehongko'ko anna la ma'tämpä' anna ma'ulu pa'palakoammu.

Angga hia, pahallu umpomatoho penabammu anna umpobahani si'da-si'da kalemu. Maintingko palako ingganna pahentaKu to puha napaondongangkoa' Musa sabua'Ku. Tä'koa' la lempä dio mai Paondom ia too anna mala ma'tämpä' anna ma'ulu ingganna pa'palakoammu.

Tä' deem tau moi podo la mesa nabela muebako upu' salukatuboammu. Umba susi Musa kuundu' kupatette la susim too duka' la kuundu'ko kupatette. Tä'ko deem la kutampeam anna tä'ko la kupahandam-handam bäbä.

Pomatohoi penabammu anna pobahanii kalemu aka iko la untetem inde mai hupatau umpomana' indo botto to puha kudandi lako nene to naponene.

Pada ongeam nahondoinna bitti'mu kupadokkoam asangkoa' lisu pala'mu, umba susi puha kupokada lako Musa.

<<Matem Musa sabua'Ku. Dadi tentomai, pengkalaongkoa' sola ingganna to Israel lambangkoa' Salu Yordan pentamakoa' indo botto litä' to la kupadokkoangkoa' lisu pala'mu, ikoa' pessubunna Israel.

Puhai mate Musa indo sabua'Na DEBATA, iya ma'kadam DEBATA lako Yosua änä'na Nun, to si umpamoloi Musa naua

Attasa'mua' la mengkalao dio pädä kukku' sule lako tipatanetena Libanon. Anna mengkalao dio salu kasalle battu diua Salu Efrat naalapi bottona to Het sule lako Le'bo' Itängä tandai katampusam.

Menna-menna umbali pahentamu anna tä' naaku umpehingngii ingganna tula' umpahesam tä' mala tala dipatei. Angga hia, pomatohoi penabammu anna pobahanii kalemu!>>

<<Leleia' ingganna kemana to Israel anna umpahentaia' muua: <Patokakoa' tinallomu aka tallungngalloi too ullambammakia' Salu Yordan la takatama anna tatadongkonni botto litä' to la napadokkoangkia' lisu pala'ta DEBATA, Puang Allataala to tapenombai la tapomana'.> >>