Beliebte Verse in Lúkɑ́shi 5

Teilen

Ńcú nu tɛ ɛ́ mɛ, ɑ cú mbɔ̌ Simɔ̂ŋ ŋɡɔ: «Lɔk lɑ̌nji, ḿbɛn ŋ́ɡʉ tɛ ŋ́kúu tsɛtsɛt ŋki, zʉꞋ shinɛ; pʉʉ ŋ́kúu zúꞋu, ḿmɑꞋ mɛŋkʉ mʉ́ʉ tsɛt ŋki nɛlɔk ŋ́ɡẅɛɛ mɛshú!»

Simɔ̂ŋ tsɔ́Ꞌ ŋɡɔ: «Ndɛ, pɛk lɛ́ pɔ nɛjʉ́ɔ ŋɡʉ̈ɔ́Ꞌ, nɛmɔɔ ŋki, ŋ́kɛ́ ḿbɔɔ yɛcɔ́ sɑ̌ɑ yúu ɡẅɛɛ. Lɑ́, pɑ́Ꞌ kwɑꞋ ɡu cúnɛ ŋɡɔ pɛ́ pɛn ḿmɑꞋ mɛŋkʉ ŋki lɑ́, ŋ ɡʉ ḿmɑꞋ.» Ńcú pɔ́Ꞌɔ, pɔ́p pʉɔ pɛ́ ɡʉ ḿmɑꞋ mɛŋkʉ tsɛt ŋki, ńdɔk ŋ́ɡẅɛɛ mɛshú ɛ́ zɑ́ɑ zɑ́ɑnɛ tɛ pɔ́p pɔ́ ɛ́shuŋ, mɛŋkʉ mɔ́p zɛ nɛzɑ́Ꞌtɛ.

Lɑ́, Yɛ́su ńnɑ́ŋ tɛ ńdɔ sɛ́ ŋ́ɡʉ zʉꞋ yi ŋu zúꞋu pɔ ḿbɔ́ ńcɛꞋlɛ Sɛ́.

Mɔ ŋkɑɑ tɔ́ pɔ nɛfúŋ pʉɔ ndʉ́ŋndʉŋ pɔ́. Ŋ kɑ tɔ́ ntɛ́ pʉɔ kɛpɔŋ ŋɡɔ pɔ́p kúpmɛ mɑt wɔp.»

Simɔ̂ŋ Pyɛ̂ jʉ́ɔ yɔ nu jʉ́ɔnɛ, tɛ ŋ́ɡʉ ńnɔɔ mɛku-Yɛ́su, ŋ́ɡẅɛɛ mɛkẅíꞋlɛ mɛ́, ńcú mbɔ̌ wɛ́ ŋɡɔ: «Tsɑpʉɔ, sɛ́sẅíi, fú nɛjɔ́ŋ mɔ ŋ́ɡʉ! Mɔ pɑ́Ꞌ ḿbɔ́ ŋu kɛpɔŋ.»

Yɛ́su pɑ́Ꞌ mbɔ̌ pɔ́p ŋɡɔ: «Ḿbɔ́ ŋu pɔɔ pɔ́ ntʉʉ ŋ́ɡʉ ńdɔɔ ŋɡɛmɛfu pɔ́. Ŋu ɡɔɔ lɑ ńdɔɔ wɛ́.

Pɔ́p zúꞋ pɔ́Ꞌɔ, ńdɔk pɛlɑ̌nji ḿbɛn nɛ́ mbʉʉ ŋki, ŋ́kúu zúꞋu, ŋ́ɡɔ́ɔ ńnɑ́ mbɑ kʉ̈ɔ́ lɑ́ zúꞋu, ńcʉ́ɔ nzʉʉ Yɛ́su.»

Yɛ́su pɔ́ yɛcɔ́ lɛ́Ꞌ, ḿbɔ́ tsɛt yɛcɔ́ tʉ́sɔŋ. Wɛcɔ́ ŋu pɔ́ zúꞋu, mbɔ ŋkɑꞋ kɑ puu mɔ́ ńjʉ́ wɛ́ tɛꞋ. A jʉ́ɔ Yɛ́su, ńtɔ́ ńnɔɔ kɛpkɛ́p mbi wɛ́, ḿbúꞋ mbɔ́ mbɔ̌ wɛ́ ŋɡɔ: «Tsɑpʉɔ, n jí ŋɡɔ ɔ lɑɑ ŋ́kɔŋ, ḿbɔ́ ɔ kuꞋ nɛɡɛ ɛ fíitɛ.» Yɛ́su zúꞋ, ńcɑklɛ pɔ́, ŋ́kuplɛ wɛ́, ńcú ŋɡɔ: «Ŋ kɔŋ pɔ́Ꞌɔ, fíitɛ!» Ńdɛɛ pɔ́Ꞌɔ, ŋkɑꞋ ɡɔ́ɔ ḿmɛ nǔu wɛ́.

Yɛ́su kɑ tɔꞋ wɛ pɔ́Ꞌɔ, pɛ́ kɛ́ ḿbɔ́ ŋ́kẅiꞋ ŋ́kẅíitɛ wɛ́ kẅíitɛ́nɛ, tɛ lɑ́Ꞌ pɛn ŋ́kẅiꞋ ńtɔ́ nɛzúꞋ sẅiŋɛ yɛ́ mbɑ nɛpɔ́ yi ɑ ɡʉ ńzɔŋ mɛɡɔɔ mɔ́p.