Beliebte Verse in Kada Bulawan 15

Teilen

Ia to kada tangkebuku mparadan kamagallian, apa ia to kada mepa'dikan penawa ssarrang kamagallian.

Ngkalaja' ngkasiri' PUANG Allataala, iamo garonto'na pangpangngajah to mepamacca. na ia ke madoangki' diangga' mpamajiongki' penawanta'.

Ia to kada tangkebuku mepamasumanga', apa ia to kada pangnguraga mepa'dikan penawa.

Te'da nakeassele' to akkatta ke te'da nadisitimbangngi, apa keassele' melo ke budai tau mepatuju.

Ia to penawa masannang mpamabarakka' lindo, apa ia to masse penawa, mpamoro' sumanga'.

Nakita PUANG Allataala to apa jaji jio sininna ngenan, Napemataii to tomelo penawanna na togaja' panggaukanna.

La'biranmo nnampui ci'di' ewanan, apa ngkalaja' ngkasiri' PUANG Allataala, na ia to nnampui buda ewanan, apa tangrapa' to penawa.

Ia to tomadoi' bang magalli mpaden passipuran, apa ia to tosabbara' mparadan kasisakkan.

Ia to tomakassing natimbang melo namane' mangkada, apa ia to togaja', gaja doi' mpasun kada meba'cian.