Beliebte Verse in Kada Bulawan 11

Teilen

Ia to totuli mangpangben la kala'bian, ia to tongkabudai mangtulung, la ditulung toda.

Den to tomalaboh, apa sasugih-sugihna, den to tomasekke', apa kannori samakario-riona.

Ia to tomatampo la masiri', apa ia to tompamajiong penawanna iamo tomacca.

Ancuru' to bangsa ke te'dai tomacca mpatujui, apa ia ke budai tomangpakainga' nang la samanyaman-nyamanna to bangsa.

Ia to tomakassing la manyaman katuoanna, ia to tomacca sabuda-budanna tau nturu'i.

Ia to tomale melako bang mbawa curita te'da nakullei mbuni kada, apa ia to todikatappa'i te'da nalampaui to kada dibuni.

Ia to tomamase napumaupa', apa ia to tomasa'ga' ssessa kalena.

Inda-inda to mpattuan ewananna, la macilaka, apa ia to tompugauk pakkaeloran-Na Puang Allataala, la melo katuoanna susi garonto' kaju mengkacocok naloboh.

Ia ke Kama'mi lino te'damo bua'na to ewanan, apa ia to tonturu' pakkaeloran-Na Puang Allataala, la salama' jio mai kamatean.

Ia to tomaruruh napatuju kamarurusan penawanna, apa ia to tomajekkong naancuru' kamajekkonganna.

Te'da bua'na to bulawan dicaliccingan bai, susi toomi to baine malolo apa tangmelo akkalanna.

Nakaba'ci PUANG Allataala to tompakande dacing, apa Nakabudai to tomaruruh mangtimbang.