Beliebte Verse in Jamanna Rasulu' 5

Teilen

Apa napebalii Petrus sola padanna rasulu' nakua, “Kila'biran kami' nturu' Puang Allataala na ia to nturu' tolino!

Allo-allo te'da ka'tunna mangngajahhi, la lan Bola Puang Allataala, la lan bolana tau, napangpeissenanni to Kareba Kasalamatan kumua Raja Mangpasalama' to Puang Isa to pura dipau tonna anu'.

Nakuanni Petrus, “Ee, Ananias, ammueloran bang ora kalemu nakuasai Ballisi', ammuuragara Roh Allataala, ssarakan buni kalemu sesena alli padangmu? Ia joo padang, apammu iko tonna te'dapa mubalukki. Na ia to allinna tommumangka mbalukki, apammu too iko. Jaji anna mase ora penawammu male manggauk susi joo? Tangngia iko tolino muuraga apa Puang Allataala Ia!” Ia tonna mangka ssa'dingngi joo kada, ta'pa tipessambakmi Ananias namate. Padami to tossa'dingngi joo, memmalaja' ngasan.

Jaji, ianna aku', danggi' lalo mipatumba-tumbai tee tau, la'paran bangmi ia. Sanga ia ke ia to akkattana sola panggaukanna pole jio mai tolino, nang la mangnganggean ia. Apa ia ke pole jioi mai Puang Allataala, te'da mikullei la ntaloii. Wa'ding pajan undinna kumua tonnewara kamu' Puang Allataala.” Natarima tuu lako Pangbicara Agama joo pangpangngingaranna Gamaliel.