Beliebte Verse in Egberima-Ẹkwẹn 3

Í ḅioḅẹngbọ mẹmgba kẹ KỊNỊNYANAḄỌ ḅe sịrẹrẹẹ. Gbala-gbala í kuromarị í nimim ḅẹ ye ḅụ sịrẹrẹ ma. Ị́ mịẹarị ye goyegoye ḅụ KỊNỊNYANAḄỌ ḅe kẹ ḅiokoromaa, tẹ ọ̀ karakara etela mẹ kẹ í ḍie ḅa.

Gbala-gbala ḍụkụ tẹ mịẹ kuroma mẹ ị́ ḅụ sọ ma mịnẹ í ye-nimi í nimi ḅara nẹngịm; paa KỊNỊNYANAḄỌ ḅe ḅịḅị pokii, tẹ ḍụkụ tẹ kura-aye mịẹ ma.

Kẹ KỊNỊNYANAḄỌ ḅe kụn ḅụ, í kiri pakama-ḅoarị aị ḅụ iḅitẹịn aị ma kẹ ḅo ọ̀ pịrịị. Ị́ ọkọ mịẹ kụma, ị́ fịaị koko awarị ma ḅio mgbọlị fịaị ḅin ḅa, ị́ pịkị iru nyana ḅụrama tẹ ị́ ḅarị inetẹ anịmgba koko ḅịa.

Ḅioḅẹngbọ-kẹ-sịrẹrẹ-niḅi ḍumo na karakaraye mịẹ na wẹrịso ma; arị kẹ mịẹ-mịẹye sọmaa, tẹ sakị mamgba arị mịẹ kẹ ḅiokoromaa.

Ị̀ tụḅọ, KỊNỊNYANAḄỌ ḅe ị́ datụkụmarị sakị, kpọma kẹ ye-sịn ḅara kẹ anị ọkịị, tẹ kẹ ḅeri nụnụ ye sọma ị́ ḅụụ pịrị. KỊNỊNYANAḄỌ ḅe ọ̀ ḅẹlẹmarịapụ mie ọ̀ datụkụmarị, anie ḍaḅọ kẹ ọ̀ kẹ ḅụụ-tọn-arị tụḅọ datụkụma-tụkụma ḅara pembe ḅara.

À kẹ í tolumarị ye kẹ ḅioḅọrọma ma, ị̀ tụḅọ. À ḍuko ị́ pịrịarị ị́ mịẹ ḅẹ ye mẹ kẹ sakị mamgba ḅiokoromaa. Ì tolumaye mẹ nangwọ tẹ lọkọlọkọ ḍumo kẹ ị́ pịrị ḅa.

Ḅioḅẹlẹ sime ḅo ye-nimi tẹ ḅọ mẹ pịrịm — anie yefieye nimi nyana tẹ ḅọ mẹ Anị ḅe sọye seleḅa ḅụ sọye nẹngịm anị opu ḅara kẹ yela ị́ pịrị golu nẹngịm. Nimi iḅiọkụ yela juwẹlị nwẹn-sịn ḅụụ-ḅirima ngọ ma nẹngịm; ị́ inetẹ ḅii ḅẹ ye tẹ kẹ anị tọnma ḅẹ ye ofori.

Í inetẹ ḅẹ sakị goyegoye ḅụ, iḅi kẹ ḅụụ-fụka ḅụ simearị apụ mịẹẹ.

KỊNỊNYANAḄỌ ḅe ò nimi ḅụ ḅọrọ tẹ kiri mẹ tẹmẹm; ò ye-nimi ḅụ mie ọ̀ ḅọrọ tẹ So-tọrụ mẹ kẹ amịna kiri ḅụ wẹrị yee.