Beliebte Verse in Jọsụwa 2

Wa anị naa gbọrụ sakị wa ḅarị ḅioḅẹngbọ nyana-a tẹ ó gotẹ ḅiokpọ kalịye gbọrụḅọ ḅụụ so kọn-a; anị kẹ gotẹ ọkọ mịẹarị, KỊNỊNYANAḄỌ ọmịna Tamụnọ ḅe anie ori, oriḅe tẹ So-ḅio ḅẹ ọgọnọ-jụ ḅụ na, suku-ḅio tomikiri ḅụ simearị Tamụnọ.

“Kẹ gotẹ ọkọ ḅẹẹarị, wa ọmịnị Ijiputi ḅụ paka-ḅo sakị KỊNỊNYANAḄỌ ḅe ọmịna tọrọkọ Awụ Tọrụ mẹ ḅẹ minji mẹ samụnọma ḅara mẹ na, ọ́ kẹ Jodanị ọgọnọ-jụ sime Amọrayịtị ḅẹ maa amadapụ Siyọnị na, Ogu na inima tẹ ọmịnị ịkatakirikọn-a-ḅara kẹ ḅaa fama apụ ma naa tẹ.

Tẹrẹmẹ furu ḅara kẹ ama ḍiki apụ ma mono, arị isun mẹ ọgọnọ kpọlị iwo in dama ḅom, tẹ ịn ḅẹẹm, “À nimi wararị mịnẹ KỊNỊNYANAḄỌ ḅe ama mẹ kẹ ọ́ pịrị tẹ, anịsakị ọmịna ḅalafa mẹ ḅo wamịna ọgọnọ gbana tẹẹ, tẹ tẹmẹ-naịn-naịn ama mẹ ḅio simearị apụ mamgba sanị ḅaarị.”