Beliebte Verse in ᓗᒃ 5

Teilen

ᐃᔅᐱ ᒪᒃ ᑲᒋ ᐃᓯ ᐃᔨᒥᑦ ᒋᓴᔅ ᒋ ᐃᑕᐤ ᐊᓂᔭ ᓴᐃᒥᓇ, “ᒧᓴᐅᐊᒧᒄ ᐊᓐᑕ ᐊ ᒋᔅᑲᔪᐛᒡ ᒐ ᐱᑭᔅᑐᐛᐊᑯᒡ ᒋᑦ ᐊᐃᐱᐛᐅᒡ᙮”

ᓴᐃᒥᓐ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔅᑯᑎᒪᒐᓱᐤ, ᐃᔅᑭᓐ ᑎᐱᔅᑲᐛ ᓂᒋ ᓄᑎᒪᓴᓇᓐ, ᓇᒪ ᒪᒃ ᓂ ᐅᒋ ᐱᑕᐅᔭᓇᓐ᙮ ᐊᔪᐛᒡ ᒪᒃ ᓂᑭ ᐱᑭᔅᑐᐛᐛᓇᓂᒡ ᓂᑦ ᐊᐃᐱᓇᓐᒡ ᐛᔅ ᐊᐅᑯᓐ ᐊ ᐃᓯᔭᒡ ᒐᒋ ᑎᔭᒡ᙮” ᐃᔅᐱ ᒪᒃ ᑲ ᐱᑭᔅᑐᐛᐛᒡ ᐅᑦ ᐊᐃᐱᐛᐛ ᒋ ᐊᑎ ᐱᑯᐱᔪᐛ ᐅᑦ ᐊᐃᐱᐛᐛ ᑲ ᐃᔅᐱᔅ ᒋ ᒥᔅᑎᐱᑕᐅᔭᒡ᙮

ᒋ ᐃᑐᑕᐤ ᒪᒃ ᒪᓐ ᒋᓴᔅ ᐊᓐᑕ ᐸᐧᑯᑎᔅᑭᒥᑲᒡ ᐊᑯ ᑲᒋ ᐊᔭᒥᐊᑦ᙮

ᓇᒪᔭᐤ ᐊᓐᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᐃᔅᐱ ᒪᒃ ᓴᐃᒥᓐ ᐱᑕᕐ ᐎᔭᐸᑕᐧᒃ ᐊ ᐃᔅᐱᔨᒡ ᒋ ᐅᒋᒋᐧᑯᓂᐱᔪᐤ ᐅᑎᔅᑯᐤ ᒋᓴᓴ ᐊ ᑕᔨᒋ, ᐊ ᐃᔅᒋᔄᑦ, “ᓇᑭᓯ, ᐅᑎᐸᔨᒋᒐᐤ, ᐛᔅ ᓂ ᒥᒐᑎᓯᓐ᙮”

ᒋᓴᔅ ᒪᒃ ᒋ ᐎᑎᒪᐛᐤ ᐊ ᐃᔅᒋᔄᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮

ᒋ ᓴᔅᒋᐱᑎᒧᒡ ᒪᒃ ᐅᑦ ᐅᐤᑐᐛᐛ ᒂ ᓂᑭᑕᒡ ᐊᓐᑕ ᒥᓯᐛ ᒐᒂᔪᐤ, ᐊᑯ ᒂ ᐎᒐᐛᒡ ᒋᓴᓴ᙮

ᒪᒂᒡ ᒪᒃ ᒋᓴᔅ ᐊ ᑕᑦ ᐊᓐᑕ ᐸᐃᒄ ᐊᓂᔭ ᐅᑕᓇᔪᐤ ᒋ ᑕᐤ ᓇᐸᐤ ᐊᓐᑕ ᐅᒥᒋᐛᔅᐱᓇᐅᓂᔪᐤ ᐊ ᒪᔭᑎᓂᔨᒡ ᐊ ᐊᔭᑦ ᒥᓯᐛ ᐊ ᐃᔅᐱᑎᑦ᙮ ᐃᔅᐱ ᒪᒃ ᐎᔭᐱᒪᑦ ᒋᓴᓴ ᒋ ᐅᑎᑎᐱᔪᐤ ᐊᓐᑕ ᐊ ᑕᔨᒡ, ᐊᑯ ᓇᔅᒡ ᒂ ᓂᑐᐛᔨᒪᑦ ᒐᒋ ᐎᒋᐃᑯᑦ, ᐊ ᐃᑕᑦ, “ᐅᑎᐸᔨᒋᒐᐤ, ᐎ ᐸᒋ ᐎᒋᐃᓇ ᒋᑭ ᒋ ᐃᑐᑕᓐ ᒐᒋ ᐸᔭᒋᓯᔭᓐ᙮” ᒋᓴᔅ ᒪᒃ ᒋ ᓱᐅᓂᔅᒐᔪᐤ ᒂ ᑕᒋᓇᑦ ᐊ ᐃᑕᑦ, “ᒋ ᐎ ᐎᒋᐃᑎᓐ᙮ ᐸᔭᒋᓯ ᒪᒃ᙮” ᑎᐛᒡ ᒪᒃ ᒋ ᒥᓏᑎᓯᐤ ᐊᓂᔭ ᑲ ᐃᑕᔅᐱᓇᑦ ᐊᓐ ᓇᐸᐤ᙮

ᒋ ᒥᓯᑕᐱᔪᐤ ᒪᒃ ᒋᓴᔅ ᐊ ᐃᑕᒋᒪᑭᓄᐅᑦ᙮ ᒥᒐᑦ ᒪᒃ ᐊᐛᔪᐛ ᒋ ᐸᒋ ᓂᑐᐛᐱᒥᑯᐤ ᐊ ᐎ ᓂᑐᑕᑯᑦ ᑭᔭ ᐊ ᐎ ᒥᓏᒋᐃᑯᓯᔨᒋ᙮