Beliebte Verse in 2 ᑯᕆᓐᑎᔭᓇ 9

Teilen

ᒋᑭ ᒋ ᐃᑐᑎᒻ ᒋᓴᒪᓂᑐᐤ ᐊᑐᐎᔅ ᒐᒋ ᐃᔅᐱᔅ ᒥᔨᑕᒄ ᑕᑥᐤ ᐊ ᓱᐛᔨᒥᑕᒄ, ᑭᔭ ᒧᔅ ᒐ ᐊᔭᔭᒄ ᑕᓐ ᒐ ᐃᓯ ᓂᑐᐛᔨᑎᒧᐛᐛᒂ᙮ ᐊᑐᐎᔅ ᒋᑭ ᐃᔅᐱᔅ ᒥᔨᑯᐛᐤ ᑯᑎᑭᒡ ᐊᐛᓐᒋ ᒐᒋ ᐎᒋᐊᑯᒡ᙮

ᒥᓯᐛ ᐸᐸᐃᒄ ᐊᐛᓐ ᒥᒄ ᑕᓐ ᑲ ᐃᑕᔨᑕᐧᒃ ᐅᑕᐃᒡ ᒐ ᐃᔅᐱᔅ ᐱᔅᑎᓂᒐᑦ ᐊᐅᑯᓐ ᒋᐸ ᐃᔅᐱᔅ ᐱᔅᑎᓂᒐᐤ᙮ ᓇᒪ ᒋᐸ ᐅᒋ ᒪᒪᓯᐤ ᑭᔭ ᓇᒪ ᐊᐃᓴᒡ ᒋᐸ ᐅᒋ ᐱᔅᑎᓂᒐᐤ᙮ ᒋᓴᒪᓂᑐᐤ ᓇᔅᒡ ᓴᒋᐊᐤ ᐊᓂᔭ ᐊᐛᔪᐛ ᑲ ᒥᔽᔨᑎᒥᔨᒋ ᐊ ᐱᔅᑎᓂᒐᔨᒋ᙮

ᒪᐅ ᒐ ᐎ ᒋᔅᒋᓯᔭᒄ, ᐊᓐ ᒥᒄ ᐊᐱᓯᔅ ᑲ ᓂᑕᐅᒋᑕᒐᑦ ᒥᒄ ᐊᐱᓯᔅ ᒐᒂᔪᐤ ᒋᑭ ᓂᑕᐅᒋᓂᔪᐤ ᐊᑯ ᐊᓐ ᒥᔅᑎ ᑲ ᓂᑕᐅᒋᑕᑦ ᒥᔅᑎ ᒐᒂᔪᐤ ᒋᑭ ᓂᑕᐅᒋᓂᔪᐤ᙮

ᒋᓴᒪᓂᑐᐤ ᐊᐅᒄ ᒪᔭᑦ ᓂᑕᐅᒋᒐᓱᐛ ᒐᒂᔪᐤ ᒐ ᓂᑕᐅᒋᑕᔨᒋ᙮ ᐎᔾ ᑭᔭ ᐊᓯᒪᐤ ᒥᓯᐛ ᐊᐛᔪᐛ᙮ ᑭᔭ ᒋᔨᐛᐤ ᒪᒃ ᒋᑭ ᐛᔪᐅᒡ ᒥᔨᑯᐛᐤ ᒥᒐᑦ ᐊᐛᓐᒋ ᒐᒋ ᐎᒋᐊᑯᒡ᙮ ᐊᑯ ᒪᒃ ᐅ ᐊ ᐃᓯ ᒥᔪᑐᑎᒪᒐᔭᒄ ᒥᒐᑦ ᐊᐛᓐᒋ ᒥᔅᑎ ᒋᑭ ᒥᔪᑐᑎᒪᑯᐅᒡ ᒋᓴᒪᓂᑐᐛ᙮ ᑭᔭ ᒋᔨᐛᐤ ᒪᒃ ᓇᔅᒡ ᑕᑈ ᓂᓇᐧᑯᐤ ᒋᑭ ᐃᓯ ᐛᔪᐅᒡ ᒥᔨᑯᐛᐤ ᒋᓴᒪᓂᑐᐤ ᑭᔭ ᓂᓇᐧᑯᐤ ᒐᒋ ᐃᓯ ᒥᔭᑯᒡ ᑯᑎᑭᒡ᙮ ᐊᑯ ᒪᒃ ᒐ ᒥᒐᑎᒡ ᐊᓐᒡ ᒐ ᓂᓇᔅᑯᒪᒡ ᒋᓴᒪᓂᑐᐛ ᐃᔅᐱ ᒥᔅᑲᒂᐛ ᐊᓂᔭ ᒋᐱᔅᑎᓂᒐᐅᓄᐛᐅᔪᐤ᙮

ᓂᓇᔅᑯᒪᑕᐤ ᒋᓴᒪᓂᑐᐤ ᐊᓂᔭ ᐅᒥᔨᐛᐅᓐ᙮ ᓇᒪ ᐊᓐ ᒋ ᐎᑕᑭᓄᐅᔪᐤ ᐊ ᐃᔅᐱᔅ ᒥᔽᔨᑕᑯᓂᔨᒡ᙮