Beliebte Verse in MARKA 6

Teilen

Jesuh in, “Hung un mivengnakah hawh nung. Cawldam tukin demlaihno cawl hih nung,” ti hi. Itahim titale a hung lam le a hawhlam tih mihing tampi a um leleng haw hangin an hei ei man haw ma hi.

Jesuh in hi bangin thuhilh hi, “Profet ten a khua le tui, a phunpih le a innkua, tih sialngawl mundangah upat co haw hi,” ti hi.

Jesuh in tuimawk a hen ten mi honpi a muh ten khaltu nei ngawl tuute bangin hehpih em hangin thu tampi hilh hi.

Jesuh in mahlai munah tina dawmlaih tei humah a khutsuanin damnak a piak tih ngawl nalamdang imah bawl ma hi. Jesuh in mipi ten amah a up haw ngawl hangin lamdangsazet hi. Mahceng ten Jesuh cu a elkim khua dangah Pathian thu hilhin vak kawkawi hi.

Mahceng ten Jesuh in cangho pa nga le ngasa pa nih cu la in, vanlam zoto in Pathian lakah lungdam san hi. Cangho cu neuno ten bothemin, sep tukin a nungzuitute san hi. Ngasa pa nih vang cu mi hempoh sem bok hi. A venghawng haw in, kham-ukin, a eih celh haw ten, a khambang haw cangho le ngasa cawmleh haw a, bawm sawm le bawm nih ting hi.