Madoche drese rapò tout sa ki pase yo. Apre sa li voye lèt bay tout jwif ki t ap viv nan tout pwovens ki nan wayòm Asyeris la, kit yo rete lwen kit yo rete pre. Li mande yo pou yo selebre chak ane katòzyèm ak kenzyèm jou mwa Ada a, paske jou sa yo Jwif yo te gen kanpo ak tout lènmi l yo. Mwa sa se moman tristès yo te chanje an jwa epi malè yo te tounen bonè. Madoche te mande yo pou yo selebre jou sa yo nan lajwa ak gwo festen, youn voye manje bay lòt epi voye manje bay sa ki pòv yo.