Beliebte Verse in 1 Corintios 8

Teilen

Aꞌ liꞌilon. Tan maꞌl koꞌn nojla Tioxh atil sukuvatz. Ayaꞌ u kuTat vaꞌl cheesan qꞌu kam kajayil. Utz oꞌ tetz majte. Utz maꞌl koꞌn kuBꞌaal atile. Ayaꞌ u Jesucristo vaꞌl tiqꞌaqꞌal kuꞌen atil kajay qꞌu kam. Utz tiqꞌaqꞌal kuꞌen atiloꞌ majte.

Uncheeꞌ aatz tiꞌ qꞌu echbꞌubꞌal qꞌuꞌl nitoksal vatz bꞌanich tioxh, atil tek etxumbꞌal tiꞌ. Pek tiꞌ koꞌxhtuꞌ tan, netꞌanbꞌaꞌ etibꞌ tiꞌ. Pek aal bꞌaꞌn aꞌ setoksa tetz vatz vetxumbꞌal vebꞌantu tiiꞌex tiꞌ qꞌu aanima tan, aꞌ vaꞌl nichꞌiisan uchchil vatz Tioxh. Utz abꞌil vaꞌl tiira atil tek itxumbꞌal tiꞌ qꞌu kam tziꞌ ninacheꞌ, yeꞌsaj tootzajitaꞌ jankꞌal tereꞌn vaꞌl ministeer satootzaji.

Ech oj savileꞌ aas sasotz ikꞌuꞌl maꞌj qꞌu niman tetz u Jesuus tu u echbꞌubꞌal vaꞌl oknaj vatz bꞌanich tioxh, aal tek bꞌaꞌn paat yeꞌk savechbꞌu. Ech yeꞌk suntzꞌejxixsa u niman tetz u Jesuus tziꞌ.

Loqꞌ kuentaꞌex abꞌiste ex etootzaj qꞌu kam tziꞌ. Esotzsach ikꞌuꞌl qꞌuꞌl yeꞌ maas iqꞌomal iyakꞌil.