Beliebte Verse in Ndeuteronomio̱ 6

Teilen

Ti̱ꞌintjé ji Nèe̱ ngayeje ini̱ma̱a̱, ngayeje kjo̱a̱mindyiòo̱n, ko̱jo ngayeje ngaꞌniúu̱.

kó ta̱jmì chi̱bo̱a̱ní nga ndókjo̱e̱je ndíi̱, ko̱jo ta̱jñà ngi̱ndiení, xikoó: kjiꞌanga tindyin ji ndiꞌàa̱, ko̱jo tsi nga ngi̱ya ndi̱yà tsꞌentje̱, ko̱jo nga ku̱i̱stji̱n, ko̱jo nga tsjajní.

Tjajintakín ji ngayeje kjo̱a̱bokoyá xi tsꞌéntsjaa ngotꞌe̱

¡Ndaꞌyájnú jún xota̱ na̱xi̱ńdá Israee̱l! Kui Néná xí ngototoo̱, kuí boá xi Nee̱ xota̱ Israee̱l.

Tji̱xi̱ín cho̱ tjatꞌe ji, kó ki̱a̱ tꞌíꞌní jí ndse̱ ko̱jo tsi xtjin tjatꞌe kui tji̱xi̱ín.

Ti̱ꞌinꞌindé ji ki̱a̱ nga̱ntjo̱a̱a̱ ndiꞌàa̱, ko̱jo ki̱a̱ nga̱ntjo̱a̱ nínga bitjasꞌi̱e̱nnii̱ na̱xi̱ńdáa̱.

Kuíni nga ti̱ꞌantsjàjnúu̱ Néná, kó ta̱kuítsí xi ndaꞌyáꞌénjnúu̱. Tsi ngo ni kꞌuíndajnú xi si̱ꞌankjatjosónjnú, ta̱ jaꞌén tsi̱ꞌe̱ tsí xi ti̱ꞌankjiénjnú.

Néná katsóyàtjoón Abraa̱n, ko̱jo Isaa̱, ko̱jo Jakoo̱b, nga jún tsja̱ajnú kui tꞌanangii̱, ngatꞌa̱ jún boá xi xota̱ tji̱e̱e̱ kui xotaa̱. Kó kuíni nga jún boá xi ku̱i̱ndyionjnú na̱xi̱ńdáꞌniú xí yiꞌi, ko̱jo xi achichí tsjákón xi júnjín kiniꞌándajnú, ki̱a̱ ku̱i̱ndyionyàjnú ndiꞌa xi tjikítsie maá kjo̱a̱cho̱n, xi júnjín kiniꞌánjnú nga kiniꞌánxájnú, sꞌi̱o̱jnú ndáfoaa̱ ndáńchꞌi̱ xi júnjín kiniꞌándajnú, ko̱jo xi̱ni̱e̱jnú tostsi̱je̱è ko̱jo toꞌaseituna̱ xi júnjín ikꞌítji̱e̱jnú. Ta̱nga ngata̱ niꞌánchíyájínjnú nga Néná boá xi tsꞌaxiéjnú nangi Ejipto̱, kó nga kuí boá xi katsꞌéndéjnú nínga moso̱ kamájnú.

Kuí bí kui kjo̱a̱kitii̱ xi Néná atíxomana nga kokoyájnúꞌun, tsi̱ꞌe̱ nga si̱ꞌankjatjosónjnú ki̱a̱ tꞌanangi nínga ku̱i̱ndyionjnú. Tsi si̱ꞌankjatjosónjnúu̱ Néná, kó tsi si̱ꞌantsjàjnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. Achichí nda kui tꞌanangii̱ nga ngatsjéni̱xtjin tsie nichinie tjín.

Tsi ni xi nda ko̱jo ni xi kixi̱ si̱ꞌánjnú, achichí tsjá ka̱maa̱ Néná. Kó kuí boá xi sa̱ꞌín nga nda ku̱i̱ndyionjnú ki̱a̱ tꞌanangi nda xi katsóyàtjoón xota̱ xi xchájnú nga tsja̱á.

Néná, kuí boá xi Nee̱ xota̱ Israee̱l, kó ngatsjéni̱xtjin kꞌuijñájo̱jnú. Ta̱nga ngata̱ chjátꞌayákónjínjnú, xikó katsꞌén xotaa̱ ki̱a̱ nangi Masaa̱. Néná achichí chi̱ni̱, kó tsi jún kje̱ꞌe ne si̱ꞌandikónjnú, achichí ꞌniú sa̱ꞌínxchán nga ngaskande sa̱ꞌínkjié ndo̱jò ndójo̱jnú.

Nga jmíni̱xtjin ꞌbíjñámasiénjnú Nejnú, ta̱ngatꞌanii̱ nga si̱ꞌandikónjnú kje̱ꞌe ne xí tjiín na̱xi̱ńdá xí síndotꞌajnú.

Néná, kuí boá xi Nee̱ xota̱ Israee̱l, kó ngatsjéni̱xtjin kꞌuijñájo̱jnú. Ta̱nga ngata̱ chjátꞌayákónjínjnú, xikó katsꞌén xotaa̱ ki̱a̱ nangi Masaa̱. Néná achichí chi̱ni̱, kó tsi jún kje̱ꞌe ne si̱ꞌandikónjnú, achichí ꞌniú sa̱ꞌínxchán nga ngaskande sa̱ꞌínkjié ndo̱jò ndójo̱jnú.