Beliebte Verse in Romawaká 3

Teilen

Mpìrká bidìm pár sa hing bu pyìr, n kinn fig bu zyun á pyànn Shìdun ni bàna. A jir shinn bu ǹsàn-à Shìdun sa ya sig mpìr átai níng, í bu-à sa mpìrká shi sig mpìr ǹsàn á pyànn Shìdun, jir shinn Yesu Kristi zyun-à pinn zu sig big.

Shìdun í àsàin-à ri sìnn kà mpìr aku shi ǹsàn á pyànnwá ni á jir shinn pìkyinn bir á byar Yesu Kristi. Shìdun ri sa àdòníng ma mpìrká zyun-à bir sig pìkyinnbá á byar Kristi, jir kai bàna Shìdun ri zìm zu fig íri mpìr ńzyun bàna.

Shìdun ya sig yi Yesu Kristi aku wu á tàm bín-à ni, jir shinn bu pyìrká buyí. Mpìr-à ma bir hing pìkyinnwá á byar Yesu Kristi, bu pyìrká zyun-à ku sa sig níng, Shìdun má yafa ya ku. Shìdun sa sig àdòníng jirà aku tìya mpìrká rag ku í mpìr kyìkyàr. Wàrì níng, ku ri tib pìkyinnwá mi ri pù fig nuwá á bu pyìrká zyun-à mpìrká ri sa bàna, ama tàma-à níng ku ri fim fig big abig sa bu pyìr bàna, jirà aku tìya big rag ku í mpìr kyìkyàr. Shìdun í mpìr kyìkyàr, mpìr-à ma bir hing pìkyinnwá á byar Yesu Kristi ni, Shìdun má sìnn ku aku shi mpìr kyìkyàr á pyànnwá ni.

Doka ri sìnn kàng fig mpìr aku shi mpìr sìsàn á pyànn Shìdun ni bàna. Bu-à doka ri sa bàna, ku ri tìya mpìrká abig yì rag big ri sa bu-à bibai.

Big ba sig á jir Shìdun rag, “Mpìr gwangga bàna, kó ńzyun. Walai mpìr-à shi sig ma yar, walai mpìr-à ri yàn kyann gbìb Shìdun, kó mpìr ńzyun bàna. Big bidìm pár, big fim rìghing gbìb Shìdun, n sa rìghing bu-à bibai. Walai mpìr-à ri sa bu ǹsàn kó ńzyun.

Yi yì hing Shìdun má sìnn kàng mpìr aku shi ǹsàn á pyànnwá ni, wà mpìr-à hi ma bir hing pìkyinnwá á byar Yesu Kristi, ná sai wà kwa wib hing bu-à doka ma dang.

Má kan dim fig Shìdun bàna kó títi nímá. Shìdun í mpìr gwangga, kó barà mpìr jíkwìnn bidìm pár í mpìr agim ǹsáng níng. Jir Shìdun dang rag, “Wà Shìdun ma dang jír, mpìrká má myàng bu-à ku dang sig níng í àjai. Walako mpìr-à má wà kwonn Shìdun hár má dang tir ku jír.”