Beliebte Verse in 2 Kurintu 6

Teilen

Da'a kam magdakayu' maka saga a'a mbal angisbat Tuhan. Sabab mbal manjari pinapaglamud ahāp maka ala'at, sapantun sawa mbal tapaglamud maka kalendoman.

In langgal pagtata'atan ni Tuhan mbal manjari panumbahan saga ta'u-ta'u. In kitam bebeya'an Al-Masi isab sali' dalil langgal pagtata'atan luma' Tuhan ya kakkal salama-lama, buwat bay pangallam Tuhan, ya yuk-i, “Palahat aku ma sigām bo' pat'nna' ma deyoman sigām. Jari aku ya pagtuhanan sigām, maka sigām a'a suku'ku.” Buwattitu isāb sugpatna

“Ala'an kam min saga a'a mbal magkahagad ma aku, paokat kam min sigām. Da'a kam palamud maghinang ai-ai makatamak atay, ati taima'ta du kam. Pag'mma'anbi aku, maka ka'am ya panganakku l'lla-d'nda. Pangallam Panghū' Sangat Kawasa ko' itu.”

Mbal makapaguyun Al-Masi maka nakura' saitan, jari mbal makapagda'atay saga bebeya'an Al-Masi maka saga a'a ya mbal magkahagad.