Beliebte Verse in KUHALAWA 31

Teilen

“Loleni, nimsagula Bezaleli, mwana wa Uli, mzukulu wa Huli, kulawa mumtala wa Yuda. Nimmemeza Loho yangu na kumgwelela udaho, nzewele, na ilimu ya ufundi wa namna zose, wa kusongola ulembo muna zizahabu, madini ga feza, na shaba, na ufundi mkulu ng'hani, mkugakanha mabwe ga hela bwando na kugeka mvifelemu, na mkusongola mibiki hamoja na namna zose za ufundi

“Walongele Waislaeli, ‘Molondigwa mgagoge mazua gangu ga mhumulo. Mbuli ino yowa kilaguso hagatigati yangu nie na mweye sama ya milelo yenu yondaize, giladi m'vitange kamba nie iyo MNDEWA, niwatendile mweye kuwa wanhu zangu.

Kino chowa kilaguso cha digunge hagatigati yangu nie na hewo, kwavija mmazua sita nie, MNDEWA, nitenda ulanga na isi, na mdizua da saba nileka kusang'hanika, nihumula.’ ”