Beliebte Verse in పిలిప్పి 4

Teilen

కిచ్చొచి రిసొ కి తుమ్ చింత గలన నాయ్, గని కిచ్చొచి రిసొ కి ప్రార్దన కెర్తె తా తుమ్‍క కోర్‍ప జలిసి సంగ, జో దిలిసి ఎత్కిచ రిసొ తుమ్‍చి సర్ద సంగ, తుమ్‍చ ఆసల్ దేముడుకయ్ తుమ్ సంగ.

దస్సి, అమ్ మాన్సుల్ మీనుక నెతిర్లి దేముడుచి ఎదివాట్ సేంతుమ్, చి క్రీస్తు జలొ యేసుచి తెడి తా, జా సేంతుమ్ తుమ్‍చి పెట్టి తుమ్‍చి మెన్సుతె రకితె తయెదె.

ఆకర్‍క, బావుడ్లు, కిచ్చొ మెంతసి మెలె, సత్తిమ్ తిలిసి ఎత్కి, మరియాద తిల కమొ ఎత్కి, నాయిమ్ తిలిసి ఎత్కి, సుద్ది తిలిసి ఎత్కి, సూటి తిలిసి ఎత్కి, ‘చెంగిల్’ మెన ఎత్కిజిన్ సర్ద జతిసి ఎత్కి, కిచ్చొ జలెకి చెంగిల్‌చి, ‘చెంగిల్’ మెన దేముడు ఒప్పన్‍తిసి ఎత్కి, దసచయ్ ఎత్కిక ఉచర్తె తా, దస్సయ్ కమొ తుమ్ కెర్తె తా.

మెలె, క్రీస్తు అంక సెక్తి దెతె తత్తయ్‍చి రిసొ కిచ్చొ జలెకి కెరుక తెరి.

కెద్దొడ్ తెదొడి ప్రబుచి తెడి తుమ్ సర్దసంతోసుమ్ తా. అన్నె సంగితసి. ‘సర్దసంతోసుమ్ తా’ మెంతసి.

జలె, తుమ్‍క కిచ్చొ కొత్కు గే, బాద గే అయ్‍లె కి, జోచి పరలోకుమ్‍చి సొమ్సారుమ్‍క దేముడు కవలుసుప జలిసి ఎత్కి క్రీస్తు జలొ యేసుచి తెడి తుమ్‍క దొర్కు కెరెదె.

అంచితె తుమ్ సికిలిసి, దెకిలిసి, సూన్లిసి, ‘సత్తిమ్’ మెన ఒప్పన్లిసి, జా ఎత్కి కెర, చి సేంతుమ్ దెతొ అమ్‍చొ దేముడు తుమ్‍చి తెన్ తయెదె.

తుమ్ ఇసి మెత్తన తతిసి ఎత్కిజిన్ దెక చినితి రితి తుమ్ ఇండ. ప్రబు పాసి జా అస్సె.

ఎక్కెక్ సుట్లు కొత్కుచి రిసొ బాదల్ సేడ అస్సి, ఇదిల్ ఒగ్గర్ తిలిస్‍చి రిసొ కి సర్ద జా అస్సి. దొన్ని కి జాని. కిచ్చొచి రిసొ కి, కిచ్చొ జలెకి, తిలె కంక నెంజిలె చువ్వె తంక, సొమ్సారుమ్ తిలె కి, కొత్కు తిలె కి, కీసి ఓర్సుప జంక గే ఆఁవ్ సిక అస్సి.

అంక నెంజిలిస్‍చి రిసొ ఏడుక మెన సంగి నాయ్. కిచ్చొక మెలె, ఆఁవ్ కీసి జలెకి, అంక కిచ్చొ జలెకి, చింత నే గలంతె సేంతుమ్ తెన్ ఓర్సుప జంక మెన సిక అస్సి.