Beliebte Verse in Lucca 8

Teilen

È ciò chì hè in la tarra bona, sò quilli chì di cori bravu è bonu anu intesu a parolla, a teninu è cù a pacenzia danu u fruttu.»

Ciò chì hè cascatu in li lamaghjoni, sò quilli chì anu intesu, è chì par via di i pinseri, di a ricchezza è di i piacè di a vita, par istrada sò assuffucati è ùn ponu maturà.

È quilli chì sò in la pitrichiccia, sò quilli chì quand'elli sentinu a parolla a ricevinu cù piacè, ma radichi ùn ni anu, par un pocu credinu, ma à l'ora di u provu lentanu.

È dissi à i discepuli: «induva hè a vostra fedi?» Impauriti, si maravigliavanu è dicianu trà elli: «quali sarà po quistu, da cumandà cusì à i venti è à l'acqua, è chì elli l'ubbidischinu?»

Quilli chì sò in arici di strada, sò quilli chì anu intesu, ma dopu ghjugni u diavuli è a parolla a li caccia da u cori, da ch'elli ùn credinu è essa salvi.

Chì ùn ci hè nulla di piattu chì ùn abbia da essa palesu, è nulla di sicretu chì ùn abbia da essa cunnisciutu è palesu.

È a donna, videndu ch'ella ùn si pudia piattà, ghjunsi trimulendu, li caschedi à i pedi è spiichedi davanti à u populu sanu par chì raghjoni ch'ella l'avia toccu, è cum'ella era stata risanata subitu. È Ghjesù li dissi: «a me figliola, a to fedi t'hà salvu; vai in paci.»

S'avvicinedinu, u svighjedinu è li dissinu: «o Signori, o Signori, semu persi.» È ellu si svighjedi è litichedi u ventu è i cavalloni; quelli si appacedinu è fù a bunaccia.