Beliebte Verse in Lucca 6

Teilen

date è vi sarà datu: vi sarà lampatu in zenu una misura bona, zeppa, strinta, è chì sbarsa, chì sarete misurati cù a misura chì voi aduprate par misurà à l'altri.»

L'omu bonu pruduce u bè da u tisoru bonu di u so core, è u cattivu da u so tisoru cattivu, pruduce u male, chì a bocca parla cù u sbarsu di u core.»

Ma tinite cari i vostri numichi, fate u bè è impristate senza aspittà nulla. A vostra paca sarà maiò è sarete figlioli di l'Altissimu, chì ellu hè bravu cù i ingrati è cù i gattivi.

Siate pietosi cum'ellu hè pietosu u vostru babbu.»

«Ùn ghjudicate è ùn sarete ghjudicati, ùn cundannate è ùn sarete cundannati, pardunate è sarete pardunati

«Ma a vi dicu, à voi chì mi sintite: tinite cari i vostri numichi, fate u bè à quelli chì vi odianu, binadite quelli chì vi maladiscenu, pricate par quelli chì vi facenu u male.

È cum'ì voi bramate ch'elli fianu l'omi cun voi, fate cun elli listessa.

À quellu chì ti mena in faccia da un latu, prisenta li dinò quill'altru latu è à quellu chì ti leva u mantellu, lascia ch'ellu si pigli ancu a camisgia. Dà à ognunu chì ti chede, è à quellu chì ti leva u toiu, ùn dumandà ch'ellu u ti rendi.

«Chì ùn ci hè arburu bonu chì fia frutti gattivi, nè arburu gattivu chì fia i frutti boni.

Chì ogni arburu si cunnosce à u fruttu soiu. Annantu à e spine, fichi ùn si ne coglie, è mancu si vindimieghja uva in li lamaghjoni.