Beliebte Verse in Waefeso 5

Teilen

Kwa kwamba nywinywi mu wana wa Muungu atsakiyeo, mut̯aḅeni jeje kwa haya maisha yenu. Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

D̯ubva dzit̯unzeni mwenendo wenu! Namutseishi dza wantu maḍyura, ela ishini dza wantu mwiwo na mvidhyo. Kula mwipfonapata namfasi ya kuhendea wantu dzema, ḍihendeni, koro hizi ni nsiku za wantu wezokuhendani mazuka menji.

Namutsekaiya kuruma, koro ulevi unananga maisha yenu. Ishinu muyatseni huyu Ruhu amudzaze na nguvuze. Ngizanani mojo na meya ya zaburi na meya yangine ya kumushad̯a Muungu. Mushad̯eni Ḅwana na meya ya kuyawa myojoni mwenu. Muyavizeni ḍuḍa Muungu Baba jwehu kut̯wa kwa kula ḍiḍyokuhendekani, kwa kwamba mu wantu wa Ḅwana jwehu Yesu Kirist̯o.

Namutseewa maḍyura, lachani hikiḍe chichonamutsakiza Ḅwana mukihende.

Nywinywi wayume nanywi, watsakeni wakazenu dza vya Kirist̯o aḍitsakiyevyo hiḍi tsanganiko hat̯a akiḍifwiya.

Koro d̯ura mwiiwa mwa kizani, ela sasa hangu mukimaawa wantu wa Ḅwana, munjia muyangani. D̯ubva ishini dza wantu mwiwo muyangani.

Kula mumodza namut̯ii mwenziwe kwa dzambo ḍya kumuhila Kirist̯o.

Nywinywi wake, kula mumodza ni kumut̯ii muumewe dza hiviḍe mwivyonamut̯ii Ḅwana.

Hat̯a vivyo, haya yanamuhusu nanywi pia. D̯ubva kula muyume ni had̯i amutsake mukaziwe dza adzitsakiyevyo mwenye, na kula muke ni had̯i amuhile muumewe.

Na haya matsoro yamba, “Ndiyo maana muntu anamuyatsa ise na nina, anaungana na mukaziwe, nao wowii wanawa mwii mumodza.”

Namutsegijana na wantu weo kizani muhende haya weyonahenda yasiyokuwa na maana. Ishinu viwambieni tswee kwamba hivi wevyokuhendani ni matsowa!