Beliebte Verse in หล่าว ย่าง 7

Teilen

น้าย เต๋ย สี่ เจี๋ย ลิ์ว, เยีย หมั่ง ฯฒฯ ปวัด เมี่ยน ธั้ม! ไห่, ไม้ ม่าย หาย เต้า ไฮ่ ซ้าว ตุ๊ เฒี์ยน. นิ่น บัว เยียม หม่าน กั๊วะ, หม่าน ฝีง, หม่าน หญู่ง เมี่ยน, หม่าน หญู่ง หว่า ต้าย โซ้ว เจี๊ยน ฮู่ง เหว่ย เหธา ปะกี ยู่ง ตอน เญย หฑะเฮมียน. นิ่น บัว ฒุ เจี๊ยน ลุย-ด๊าว-แปะ, ปั์ว นั้น เจี๊ยน ตาว-น่อม

หย่า เห่ว เฉีย บุย เญย ก๊อง, “เหฌียว เอน เยียม เยีย บัว เญย ทิน-ฮู่ง, ต้ง เฒว์ย เจี๊ยน ฮู่ง เหว่ย วั้ว เต้า, เหธา น้าย เต้า ปะกี ยู่ง ตอน ต้าย.”

เหว่ย หฒุ เยียม ฮู่ง เหว่ย บุด๋ง วั้ว เต้า ปะกี ยู่ง ตอน อ๋อย โก๋ว นิ่น บัว, ฮนั้ง โก๋ว ปะกี ยู่ง เญย เฒี้ยว โก๋ว นิ่น เญย ปะกี ยู่ง นอ. นิ่น หย่า อ๋อย ต้อ นิ่น บัว มี่ง เถา ยู์ง แหม่ง เญย ววม-ฒี้ง. ทิน-ฮู่ง หย่า อ๋อย ซ้อด ฆาย นิ่น บัว เญย เตี๊ยมๆ ววม-เหมว่ย.”

เหว่ย น้าย, นิ่น บัว เยียม ทิน-ฮู่ง เญย ฮู่ง เหว่ย หฑะเฮมียน, เฒี่ยง ฮนอย เฒี่ยง ม์วน เยียม หฒั่ง ทิน-ฮู่ง เญย เปย๊า ฟู-สู นิ่น. เฒว์ย เจี๊ยน ฮู่ง เหว่ย วั้ว เต้า อ๋อย เหธา นิ่น บัว เยียม, เปว เจี๊ยน นิ่น บัว. เยียม น้าย มี่ง นิ่น บัว เหยียด ลิ์ว ไม้ หง่อ, เหยียด ลิ์ว หย่า ไม้ ฆ้าด อ๊ะ. บะฮนอย ไฟ หญุด โต์ว หย่า พุย ไม้ หฒุ นิ่น บัว.

นิ่น ก๊อง, “ไม้ ตู๋ง แก้ง โหฒว หว่าย เดา-เป้ย เหธา ค้อย เหธา เดี๋ยง. ฒั้ว เยีย บัว ฆ้าบ เจี๊ยน เหยียน เยีย บัว เญย ทิน-ฮู่ง เญย โปว เญย ปย้อง.” เยีย หย่า ไฮ์ ก๊อง ตุ๊ ฆ้าบ เจี๊ยน เหยียน วั้ว เต๋ย เมี่ยน เญย โสว โหม่ว. ฝีงๆ อิ​สะ​ลา​เอน เมี่ยน เหยียด ฒู้ง ม่าย เหยียด สิน เปยย หว่าน เปยย ธิน เต้า ตุ๊ ฆ้าบ เหยียน. ยู​ดา ฝีง ม่าย 12,000 เต้า ตุ๊ ฆ้าบ เหยียน