Beliebte Verse in ฟี​ลิบ​พอย 2

Teilen

ไม้ ตู๋ง โหฒว หาย หญู่ง เหว่ย โต้ว กั้น ตุ๊ หลง ไฟ เธง กั้น โฮล. อ๋อย หฒุ ล่าน เหธา ล่าน เหญี่ยม โหฒว ไฝ, ฝุน เมี่ยน เก้า หลง กั้น. ไม้ ตู๋ง ขูง ฮนั้ม กั้น เญย หฑะเฮมียน, อ๋อย หฒุ ม่าย เฮญี้ยว จั๋ง เถา กะเหญี่ย เญย เมี่ยน.

เม่ย บัว อ๋อย หฒุ ม่าย เฮญี้ยว ฮนั้ง กี​ตู่ เย​ซู เญย เฮญี้ยว.

กี​ตู่ มต้าย ม่าย ทิน-ฮู่ง เญย เฟียม-ฝีง. นิ่น เหธา ทิน-ฮู่ง ฟี่ ฮนั้ง เญย มป่า นิ่น ไม้ แฑง โหฒว ฟี่ ฮนั้ง. ต๋าว หฑวน นิ่น ม่าย เญย หญู่งๆ เซี้ย เจี๊ยน กวั่ง เหฑ่ง, ฒิบ โน่ว เญย เฟียม-ฝีง, ธ้วด เสย เป๋น เต้า ป้าม เมี่ยน. หฒะเก้ง ม่าย เมี่ยน เญย ฝัง เฒ้ย. นิ่น กั้น หย่า แล์ง โหฒว ไฝ, หมวัง ทิน-ฮู่ง เญย หว่า เถา ไต่, เถา หฒุ เยียม เหฒียบ หฑั่ง จ๋า ไต่.

เหว่ย หฒุ ทิน-ฮู่ง หฒั่นๆ เยียม เม่ย บัว เญย เฮญี้ยว โหฒว กง, ปุน เม่ย บัว ม่าย เฮญี้ยว หย่า ม่าย ปั้น เหฒ่ย เอย เจี๊ยน นิ่น หลง เญย หฒะเอ๋ย โหฒว.

เหว่ย น้าย ทิน-ฮู่ง ท่าย นิ่น โหฒว เก้า โฮล เจี๋ย, หย่า ปุน นิ่น ม่าย บั๋ว เก้า ฮลัง เจี๋ย หม่าน บั๋ว เญย บั๋ว. ฮนั้ง น้าย, เหว่ย ท่าย เย​ซู เญย บั๋ว, เยียม ทิน-ต้อง, เยียม ย่าง เกน, เหธา เยียม เยี่ยม เกน เญย เหยียด ฒู้ง อ๋อย หฒุ เกว่ย เหฌี่ย ป๋าย. เต้าๆ อ๋อย เหญี่ยม เย​ซู กี​ตู่ โหฒว เฒี้ยว, ฯฒฯ ท่าย หฒั่ง เตี๋ย ทิน-ฮู่ง.

โหฒว หาย หญู่ง ไม้ ตู๋ง งบ หย่า ไม้ ตู๋ง เต๋า ฑุ่ย, เม่ย บัว ฯฒฯ โหฒว ทิน-ฮู่ง เญย ธีง-เหฑ่ง, ไม้ ลั่ม ไกว๋ ต๋อง เญย น่าม โญ์ว. เม่ย บัว อ๋อย หฒุ เยียม ป้าม เกน, เฮญี้ยว หว่าย, ป์าม ฒุ์ย เมี่ยน เญย ต๋อง บุด๋ง หฒิว ฌัง ฮนั้ง เหฮลย เยียม วั้ว ลู่ง หฒิว เจี๊ยน ฌัง นอ

ฮนั้ม เญย ก๋อ-โย์ว อ่า, เหว่ย น้าย, ฮนั้ง ฒิ่น ด่าง เยีย เหธา เม่ย บัว เยียม, เม่ย บัว หฒั่นๆ หมวัง เยีย เญย หว่า. อี้ หฒั่น เยีย ไม้ เหธา เม่ย บัว เยียม อ๊ะ, มป่า เม่ย บัว เก้า อ๋อย หฒุ หมวัง หลง. อ๋อย หฒุ กั้ม เหฑีย, ซิน หฒิน เจี๊ยน หล่ง ชะ โหฒว เหฒียง เม่ย บัว ตุ๊ เหฌียว เญย กง