Beliebte Verse in โย​ซู​วา 1

Teilen

เยีย หัด ลิ์ว เม่ย ไม้ เฒ์ย? เม่ย อ๋อย หฒุ เฮ้น หย่า หฒูง เจี๊ยน ต๊าม. ไม้ ตู๋ง กั้ม เหฑีย หย่า ไม้ ตู๋ง เฮญี้ยว หนัม, เหว่ย หฒุ ไม้ กุ๊น เม่ย มี่ง เถา หาย, เฒี้ยว, เม่ย เญย ทิน-ฮู่ง, เหธา เม่ย เยียม.”

ไม้ ตู๋ง หละคุ หฒั่นๆ โตะ น้าย ป๊วน เล์ย-หลัด โซว. ดอมๆ ม์วนๆ อ๋อย หฒุ เฟย-ฟั้ง, เหว่ย ปุน เม่ย ไฝ ฟิม เอย เจี๊ยน โซว เฟี้ย เญย เหยียด ฒู้ง หว่า. ฮนั้ง หน่าย เม่ย โหฒว เญย หญู่งๆ ฯฒฯ โหฒว ตุ๊ หลง หย่า โหฒว ตุ๊ ตุ้น ยุ่น.

เม่ย อ๋อย หฒุ เฮ้น หย่า หฒูง เจี๊ยน ต้ม ต๊าม. อ๋อย หฒุ ไฝ ฟิม เอย เจี๊ยน เยีย เญย โปว, โม​เซ, จิว ปุน เญย เหยียด ฒู้ง เล์ย-หลัด, ไม้ ตู๋ง ปู๋ง ด๊อด เหยียด ติ้ว, เหว่ย ปุน เม่ย, ไม้ กุ๊น มี่ง เถา หาย, ไฮ่ ตุ๊ หลง.

เยียม เม่ย เญย เสย เฒ้ย ไม้ ม่าย หาย เต้า ไฮ่ เบ๊าะ ตุ๊ ฮี่ง เม่ย. เยีย ฮนั้ง หาย นอ เหธา โม​เซ เยียม, เยีย หย่า อ๋อย ฮนั้ง วั้ว นอ เหธา เม่ย เยียม. เยีย ฒู้ง ไม้ เล่ย ฆอย เม่ย, หย่า ไม้ กวั่ง เม่ย.

“เม่ย อ๋อย หฒุ เฮ้น หย่า หฒูง เจี๊ยน ต๊าม, เหว่ย หฒุ เม่ย ฒู้ง อ๋อย ปุน น้าย เต๋ย แปะ ฝีง ตุ๊ วั้ว นอม เต่ย-ปูง เป๋น นิ่น บัว หฑิบ เญย ป่วน, ต้ง เยีย เหธา นิ่น บัว เญย อง-ถาย โฮ้ว เจี๊ยน อ๋อย จิว ปุน นิ่น บัว วั้ว นอม เต่ย-ปูง.

ตะฟ่าน เม่ย บัว เญย เหฒา-เป๊น ธ้าย เญย นอมๆ ต๋อง, เยีย อ๋อย จิว ปุน เม่ย บัว เหฑ่ง, ฮนั้ง เยีย เหธา โม​เซ แล์ง เจี๋ย วั้ว นอ.

“เยีย เญย โปว, โม​เซ, เกวย เสย หมี่ อ๊ะ. อี้ หฒั่น เม่ย อ๋อย หฒุ เจี์ย ต้าย. เม่ย เหธา น้าย เต๋ย เหยียด ฒู้ง แปะ ฝีง อ๋อย หฒุ เจี๋ย จอ​แดน ด้าย, เปียะ เยีย อ๋อย จิว ปุน นิ่น บัว, เซ ปุน อิ​สะ​ลา​เอน เมี่ยน, วั้ว นอม เต่ย-ปูง.

เฒี้ยว เญย โปว, โม​เซ, เกวย เสย ลิ์ว, ฆะฮ้า เฒี้ยว ก๊อง บั๋ว โม​เซ เญย ปอง-ปั์ว เมี่ยน, นุน เญย ตอน, โย​ซู​วา

เม่ย บัว เญย กั๊บ-จ๋าย ฯฒฯ เยียม น่าม ปูง เญย เต่ย-ปูง-ฮวาง มี่ง เถา ป๊ะ ปูง เล​บา​นอน เก้, หย่า เยียม ตง ปูง ยู​เฟ​ติด ต้ม ด้าย, เซ ฮิด​ไท เมี่ยน เญย เหยียด ฒู้ง เต่ย-ปูง, แอ๋ง มี่ง เถา บะฮนอย ด๊อด แหมง เญย ต้ม ค้อย.

หาย เต้า แหง่ง เจี๊ยน เม่ย หัด เญย หว่า, หย่า ไม้ เอย เจี๊ยน เม่ย เญย หว่า โหฒว, ไม้ กุ๊น เม่ย พ้าย นิ่น โหฒว หาย หญู่ง, วั้ว เต้า ฒู้ง อ๋อย หฒุ ไต่ อ๊ะ. เม่ย ขูง อ๋อย หฒุ เฮ้น หย่า หฒูง เจี๊ยน ต๊าม.

“เม่ย บัว อ๋อย หฒุ มี่ง ก๋อม ด๊บ-ลิ่ว เธี้ยง บั๋ว แปะ ฝีง, ‘อ๋อย หฒุ เบ่น ฑ่อย เปี้ยน ฝุย. แอ๋ง ม่าย ปัว ฮนอย เม่ย บัว อ๋อย หฒุ เจี๋ย น้าย จอ​แดน ด้าย เปียะ มี่ง เยียม เจี๊ยน ต้ง เฒี้ยว, เม่ย บัว เญย ทิน-ฮู่ง, จิว ปุน เหว่ย เป๋น เม่ย บัว หฑิบ เญย เต่ย-ปูง.’”