เฒี้ยว ก๊อง, “วั้ว เต๋ย ฮนอย-เหญียะ เจี๋ย ลิ์ว,
เยีย อ๋อย เหธา อิสะลาเอน เญย เฒ้ย-ฟุน เหลียบ เจี์ย เญย แหง่ง หว่า เซ ฮนั้ง น้าย.
เยีย อ๋อย ปุน เยีย เญย เล์ย-หลัด เยียม นิ่น บัว กะญั์ว
หย่า เฟี้ย เจี๊ยน นิ่น บัว เญย เฮญี้ยว.
เยีย อ๋อย โหฒว นิ่น บัว เญย ทิน-ฮู่ง,
นิ่น บัว หย่า อ๋อย โหฒว เยีย เญย แปะ ฝีง.
เยียม หน่าย มี่ง เก๊าะ-เมี่ยน ไม้ หฒุ แอ๋ง หฌาว กั้น เญย จวั่ง ล์าง เมี่ยน
เหธา กั้น เญย ก๋อ-โย์ว ก๊อง,
‘เม่ย อ๋อย หฒุ ฮิ้ว เฒี้ยว.
เหว่ย หฒุ นิ่น บัว เก้า ไฝ เจี๋ย
เถา เก้า โฮล เจี๋ย เหยียด ฒู้ง ฮิ้ว ตุ๊ เยีย.”
น้าย เซ เฒี้ยว ก๊อง เญย หว่า.
“เหว่ย หฒุ เยีย อ๋อย กวั่ง นิ่น บัว เญย ฒุ์ย-หนิบ,
ไม้ แอ๋ง จั๋ง นิ่น บัว เญย ฒุ์ย.”
