Beliebte Verse in ต้ม เจียน 7

Teilen

เฒี้ยว ก๊อง บั๋ว กิ​เด​โอน, “กัน เม่ย เญย เมี่ยน ปะหละ ธั้ม ไห่. เยีย ฯฒฯ ไม้ ไฮ่ เฒาะ มี​เดียน เมี่ยน จิว ปุน เยียม นิ่น บัว เญย ปั์ว-เดี๊ย. เฑ่า เหย อิ​สะ​ลา​เอน เมี่ยน อ๋อย เธง-โฮล ต๋อย เยีย ก๊อง, ‘เยีย บัว กั้น เญย ชะ เหฌียว ธ้วด เยีย บัว กั้น.’

เฒี้ยว ก๊อง บั๋ว กิ​เด​โอน, “เยีย อ๋อย หล่ง เบี่ย ววม น้าย เต๋ย ฟาม-แป๊ะ เต้า เหว่ย เหฌียว เม่ย บัว, เฒาะ มี​เดียน เมี่ยน จิว ปุน เยียม เม่ย เญย ปั์ว-เดี๊ย. เหฒ่ง เหฌี่ย วั้ว เต๋ย, กุ๊น ปุน เก๊าะ-เมี่ยน หฑวน เก๊าะ-เมี่ยน เญย เปย๊า อ๊ะ.”

เหว่ย น้าย เม่ย อ๋อย หฒุ ฒุ่น ปุน หฒวัง เมี่ยน หมวัง, ‘หาย เต้า กั้ม เหฑีย, ซิน หฒิน เจี๊ยน เยียม นอ, วั้ว เต้า กุ๊น เล่ย กิ​เล​อาด บง หฑวน เปย๊า อ๊ะ.’” วั้ว หฒั่น ม่าย อี หว่าน อี ธิน เต้า เมี่ยน หฑวน เปย๊า. เหฒ่ง เหฌี่ย เหยียด หว่าน เต้า เยียม วั้ว ฮนั้ง.

เฒี้ยว ก๊อง บั๋ว กิ​เด​โอน, “กัน เม่ย เญย เมี่ยน หธ่อ ธั้ม ไห่. เม่ย อ๋อย หฒุ ต้อ นิ่น บัว มี่ง เถา ววม. เยียม วั้ว เยีย ฯฒฯ เหว่ย เม่ย เสย นิ่น บัว. เยีย ก๊อง บั๋ว เม่ย, ‘ปุน น้าย เต้า เหธา เม่ย มี่ง,’ วั้ว เต้า อ๋อย หฒุ เหธา เม่ย มี่ง. เยีย บั๋ว เม่ย, ‘ไม้ ตู๋ง ปุน น้าย เต้า เหธา เม่ย มี่ง,’ วั้ว เต้า ไม้ ตุ๊ มี่ง อ๊ะ.”

กิ​เด​โอน ฯฒฯ ต้อ วั้ว เต๋ย เมี่ยน เหฌี่ย เถา ววม-เฮลน. เฒี้ยว ก๊อง บั๋ว กิ​เด​โอน, “ตะฟ่าน หล่ง เบียด เบี่ย ววม ฮนั้ง จู๊ วั้ว เต๋ย, อ๋อย หฒุ ปุน นิ่น บัว กั้น เยียม นอม ต๋อง. เกว่ย เหฌี่ย ฮบ ววม วั้ว เต๋ย, หย่า อ๋อย หฒุ ปุน กั้น เยียม นอม ต๋อง.” หล่ง ปั์ว พวั้ง ววม ฝาว ต้าย เบี่ย วั้ว เต๋ย ม่าย ฟาม-แป๊ะ เต้า. เหฒ่ง เหฌี่ย วั้ว เต๋ย เหยียด ฒู้ง เกว่ย เหฌี่ย ฮบ.