Beliebte Verse in 2 โค​ลิน​โท 4

Teilen

เหว่ย หฒุ บัว ไม้ โต้ว หมั่ง ตุ๊ ปวัด เญย หาย หญู่ง. ขูง โต้ว หมั่ง ไม้ ปวัด เญย ฮนั้ง. หมั่ง ตุ๊ ปวัด เญย วั้ว เต๋ย ไฮ่ เจี๋ย เหฑ่ง, มป่า หมั่ง ไม้ ปวัด เญย เหยียด ลิ์ว เยียม.

เหว่ย น้าย บัว ไม้ หนัม เฮญี้ยว. ไม้ กุ๊น บัว เญย ซิน กุ๊น โหฒว กุ๊น เฮย เจี๊ยน เหฌี่ย, มป่า บัว เญย เฮญี้ยว เหยียด ฮนอย เป๊ย เหยียด ฮนอย เซียง. บัว ปวั้ง หฒุ ตั้ง ป๊า น้าย เต๋ย ไฝ-ฟิ้ว สี่ อ๋อย ปุน บัว ตุ๊ เหยียด ลิ์ว เญย ฌัง-หล่าง, เลี่ยม ไม้ ลั่ม เป๊ย ต๋อง เญย ฌัง-หล่าง.

เยีย บัว หฒุ หญู่งๆ ขวน น่าน มป่า ไม้ เซวย. ม่าย เฒี่ยง โห่ เยีย บัว ไม้ ฮิ้ว ตุ๊ ฮนั้ง หาย นอ โหฒว มป่า หธ่อ ม่าย ลั่ม ฮนั้ม เญย. หฒุ เมี่ยน โหฒว โตะ มป่า ทิน-ฮู่ง ไม้ กวั่ง เยีย บัว. หฒุ เบ๊าะ คีง มป่า ไม้ ไต่.

มป่า เยีย บัว เซ ฮนั้ง เนีย-อ๋ง หย่า ม่าย น้าย หญู่ง จ๋าย เญย กะน้าย ตั๊บ เจี๊ยน กะญั์ว, ปุน ธีง โฮล เจี๋ย เญย ต้ม ชะ เซ เยียม ทิน-ฮู่ง ต้าย, ไม้ เฒ์ย เยียม เยีย บัว ต้าย.

นิ่น บัว ไม้ เสียน เหว่ย หฒุ กุ๊น ป้าม เกน วั้ว เต้า เมี้ยน เญย ฮู่ง, ซา​ตาน, ปุน นิ่น บัว เญย เฮญี้ยว หฮมวัง, ไม้ เม่ง แปะ. นิ่น แฆะ เจี๊ยน ไม้ ปุน คู้ เฝียน เญย ฌัง หฒิว นิ่น บัว. น้าย คู้ เฝียน เซ ก๊อง กี​ตู่, ต้ง ฒวั้ง ทิน-ฮู่ง วั้ว เต้า, เญย ฌัง-หล่าง.

เหว่ย หฒุ ทิน-ฮู่ง, ต้ง ปุน ฌัง เยียม หฮมวัง หฒิว ธ้วด ต้าย วั้ว เต้า, ปุน นิ่น เญย ฌัง หฒิว เจี๊ยน เยีย บัว เญย เฮญี้ยว. นิ่น เญย ฌัง ปุน เยีย บัว ฮิ้ว ตุ๊ ทิน-ฮู่ง เญย ฌัง-หล่าง, ต้ง เยียม กี​ตู่ เญย เฮมียน หฒิว ธ้วด ต้าย เญย ฌัง-หล่าง.