Beliebte Verse in 1 ปี​เต 4

Teilen

เก้า หล่ง เจี๊ยน เจี๋ย เซ อ๋อย หฒุ จอม เฮญี้ยว ล่าน ฮนั้ม ล่าน, เหว่ย หฒุ ล่าน ฮนั้ม ล่าน ฯฒฯ ไฮ่ กวั่ง ฆอย เมี่ยน เญย ฒุ์ย ธั้ม เญย.

เต้าๆ ตุ๊ ฒิบ ทิน-ฮู่ง เญย ฒี่ง เหญ่ย หย่า อ๋อย หฒุ โก๋ว หลง. หาย เต้า ฒิบ หาย หญู่ง ฒี่ง เหญ่ย อ๋อย หฒุ หล่ง เถง หฒวัง เมี่ยน.

หาย เต้า ฒุ่น โต์ อ๋อย หฒุ หฒะเก้ง โต่ว ทิน-ฮู่ง เญย หว่า. หาย เต้า ธ้วด ฟิม เถง เมี่ยน อ๋อย หฒุ หล่ง ทิน-ฮู่ง ปุน ต้าย เญย ชะ ฟู-สู. ฮนั้ง หน่าย เม่ย บัว โหฒว เญย หญู่งๆ ฯฒฯ ปุน เมี่ยน เต๊ง เย​ซู กี​ตู่ เญย บั๋ว เธง ทิน-ฮู่ง. เย​ซู กี​ตู่ เหยียด ลิ์ว ม่าย ฌัง-หล่าง, ม่าย ชะ เถา หม่าน โก๊ว หม่าน ต่อย. อา​เมน.

มป่า สี ก๊อง เม่ย บัว หลาย เสียน กี​ตู่ หฒุ เสี่ยว โค้ว, ไม้ ตู๋ง ไญ้. อ๋อย หฒุ เธง ทิน-ฮู่ง เหว่ย หฒุ เม่ย บัว ตุ๊ ดาม กี​ตู่ เญย เม่ง.

หม่าน หมวด เญย เซ้ด เมว์ย ฮนอย เถา ฟัด อ๊ะ. เม่ย บัว อ๋อย หฒุ กุ๊น เจี๊ยน กั้น, กีง เจี๊ยน เฮญี้ยว เต๋า เก๋า.

ฮนั้ม เญย ก๋อ-โย์ว อ่า, ไม้ ตู๋ง ฮนั้ม ไม้ เม่ง แปะ เม่ย บัว หฒุ ปวั้ง โค้ว ไห่ เญย สี่ เสย เม่ย บัว ฮนั้ง หฒุ โต์ว ปั๊ว นอ, หย่า ไม้ ตู๋ง ฝุน เม่ย บัว ปวั้ง เญย สี่ เซ กั้น หญู่ง. ต๋าว หฑวน อ๋อย หฒุ อะเฮน้ย เหว่ย หฒุ เม่ย บัว ตุ๊ เหธา กี​ตู่ จวั่ง เสี่ยว โค้ว. ฮนั้ง หน่าย กี​ตู่ เญย ฌัง-หล่าง หิ่น ธ้วด วั้ว หฒั่น เม่ย บัว ฯฒฯ เฌียน-โย่ว ออน-เหลาะ ไห่.

อ๋อย หฒุ อะเฮน้ย ล่าน ฒิบ ล่าน โหฒว แคะ, หย่า ไม้ ตู๋ง หละงบ.

ฮนั้ง หน่าย, เอย ทิน-ฮู่ง เญย หฒะเอ๋ย หฒุ เสี่ยว โค้ว เญย เมี่ยน อ๋อย หฒุ แอ๋ง โหฒว เจี๊ยน คู้ สี่ มี่ง หย่า เฒาะ กั้น จิว ปุน ทิน-ฮู่ง, ต้ง เหฒย นิ่น บัว ต้าย หย่า เขา ตุ๊ ว้วน วั้ว เต้า.

เหว่ย หฒุ กี​ตู่ เญย ซิน หฒุ เสี่ยว โค้ว, เม่ย บัว กั้น หย่า อ๋อย หฒุ เหธา นิ่น ต้ง หญู่ง ฮนั้ม เหว่ย โหฒว หวัวะ กิ่น, เหว่ย หฒุ หาย เต้า เญย ซิน หฒั่ง หฒุ เสี่ยว โค้ว, วั้ว เต้า ฯฒฯ กวั่ง, ไม้ โหฒว ฒุ์ย อ๊ะ. ฮนั้ง หน่าย, เม่ย บัว เยียม เสย หฒั่ง เหฒ่ง เหฌี่ย เญย เฒี่ยง โห่ อ๋อย หฒุ เอย ทิน-ฮู่ง เญย เอ๋ย โหฒว, ไม้ เอย ป้าม เมี่ยน เญย เฮญี้ยว หั่น โหฒว.

สี ก๊อง เหว่ย เสียน กี​ตู่ เม่ย บัว หฒุ เมี่ยน ก๊อง โตะ, เม่ย บัว ฯฒฯ ม่าย ออน-เหลาะ อ๊ะ, เหว่ย หฒุ ทิน-ฮู่ง ฌัง-หล่าง เญย สีง ลี่ง เหธา เม่ย บัว เยียม.