Beliebte Verse in Крар 11

Teilen

Адаз ам ана жагъана, ада Шаул АнтӀиахдиз хкана. Тамам са йисан къене Барнабани Шаул АнтӀиахдин иманийрин кӀватӀалда хьана, абуру гзаф инсанриз чирвилер гана. Тилмизриз месигьияр сифте АнтӀиахда лагьайди я.

АнтӀиахдиз атайла, Барнабадиз Аллагьдин берекат акуна. Ам лап шад хьана. Ада цӀийиз имандал атайбуруз Аллагьдиз вири рикӀелди вафа хьана амукь лугьуз эверзавай. Барнаба, лагьайтӀа, Пак Руьгьдив ацӀанвай имандаллай ва хъсан кас тир. Гзаф инсанар Реббидин рекьел атана.

ГьакӀ хьайила, Ребби Иса Месигьдихъ иман авур чаз, хьтин пай Аллагьди абурузни ганватӀа, завай Аллагьдиз манийвал ийиз женни? Абуру Петрудиз мад туьгьметар хъувунач. Абуру Аллагьдиз шукурар ийиз, лугьуз хьана: – ГьакӀ хьайила, Аллагьди чувудар туширбурузни уьмуьрдихъ фин патал Аллагьдин рекьел къведай мумкинвал ганва.