Beliebte Verse in 1-Петру 4

Teilen

Виридалайни вилик вафа гваз садаз сад кӀан хьухь, вучиз лагьайтӀа «муьгьуьббатди гзаф гунагьар тахьай мисал ийизва».

Аллагьдин гзаф жуьрейрин берекатдиз хъсандиз къуллугъзавайбуру хьиз, сада садаз гьардаз ганвай паюналди къуллугъ ая.

Лугьузвайда и кар Аллагьдин гафар лугьузвайда хьиз авун лазим я. Къуллугъ ийизвайда къуй Аллагьди гузвай къуватдалди къуллугъ авурай. Къуй и вири крара Иса Месигьдин куьмекдалди Аллагь машгьур хьурай. Баркаллани асиррай асирриз физвай къуват Гьадаз хьурай, амин.

Амма са ни ятӀани месигьи яз азаб чӀугвазватӀа, къуй адаз регъуь тахьурай, вичел ахьтин ТӀвар ала лугьуз Аллагьдиз шукур авурай.

Мукьвара виридан эхир жеда. Гьавиляй, куьн датӀана дуьа ийиз жедай гьалда хьун патал, куьне акьулдин дуьзвал хуьх, уях яз хьухь.

КӀанибур, куьн цӀай квай синагърай финиз мажбур хьунал мягьтел жемир, ина аламат жедай са затӀни авач. Аксина, Месигьдин азабра куьнени иштирак ийизва лагьана шад хьухь; гьикӀ лагьайтӀа Адан баркалла квез ахъа хьайи чӀавузни куьн шад жеда ва куьне хвешивилер ийида.

Шикаят тийиз, сада сад мугьманвилин адетар хвена илифариз хьухь.

Гьавиляй Аллагьдин къастуналди азаб чӀугвазвайбуру къуй чпин уьмуьр чпивай далу акализ жедай Халикьдин гъиле турай ва хъсанвал авун давамаррай.

Гьа икӀ, Месигьди бедендалди азабар чӀугун себеб яз, куьнни ахьтин кардиз гьазур хьухь, гьикӀ лагьайтӀа бедендалди азаб чӀугвазвайда гунагьдин гьукумдик кваз уьмуьр тухун акъвазарнава. Гьа чӀавуз ада чилел уьмуьрдикай амай пай инсандиз хас гьевесрин ваъ, Аллагьдин къастунин идарадик кваз уьмуьр тухуда.

Месигьдин ТӀвар кьунай куь намусдик хкуьрзаватӀа, квел нуьсрет ала, им акӀ лагьай чӀал я хьи, баркалладин Руьгьди – Аллагьдин Руьгьди – квел бине кьунва. Абуру Аллагьдиз асивалзава, куьне, лагьайтӀа, Ам машгьурзава.