Beliebte Verse in Numeros 13

Teilen

Apan gipahilom ni Caleb ang katawhan sa atubangan ni Moises ug giingnan, “Mangadto kita karon dayon ug puy-an nato kini kay mabuntog nato sila.”

Nakita namo didto ang taga-Nefilim (mga kaliwat ni Anak nga gikan sa Nefilim) ug gibati namo nga sama lamang kamig apan-apan kon itandi kanila ug nasiguro namo nga ingon usab niana ang ilang pagtan-aw kanamo.”

Unya ang mga tawo nga mikuyog kaniya miingon, “Dili kita makabuntog sa katawhan didto kay sila mas lig-on kay kanato.”

Pinaagi niini gidala nila ngadto sa katawhan sa Israel ang bakak nga taho bahin sa Canaan. Sila miingon, “Ang yuta nga among gipangispiyahan maoy yuta nga dili mohatag ug igong abot nga makaon sa mga tawo ug ang tanang tawo nga among nakita mga tag-as ug dagko kaayo.

Miingon sila, “Nakaabot kami sa yuta nga inyong gipaadtoan kanamo. Tabunok kini kaayo ug ania ang mga prutas nga among nakuha sa maong yuta.

Apan kusgan ang mga lumolupyo sa maong yuta ug ang mga siyudad kinutaan ug habog kaayo. Gawas pa niini, nakita namo didto ang mga kaliwat ni Anak.

Ang mga Amalekanhon maoy nagpuyo sa Negeb. Ang mga Hitihanon, mga Jebusihanon ug ang mga Amorihanon atua magpuyo sa dapit sa kabungtoran. Ug ang mga Canaanhon anaa magpuyo daplin sa dagat ug daplin sa Suba sa Jordan.”

Miadto sila kang Moises ug kang Aaron ug sa tibuok katawhan sa Israel nga didto sa Cades sa kamingawan sa Paran. Gitaho nila ang ilang panaw ug gipakita nila ang mga prutas gikan sa yuta nga ilang gisusi.