Beliebte Verse in Josue 1

Teilen

Hinumdomi ang akong sugo nga magmalig-on ka ug magmaisogon! Ayaw kahadlok o kaluya tungod kay ako, ang GINOO nga imong Dios, mag-uban kanimo bisan asa ka.”

Ayaw gayod kalimti ang basahon sa Balaod. Kinahanglan nga tun-an mo kini adlaw ug gabii ug pagkinabuhi sumala sa tanang nahasulat niini ug magmauswagon ka.

Apan lig-ona ang imong kaugalingon ug ayaw pagtalaw. Pagkinabuhi subay sa tibuok Balaod nga gihatag kanimo ni Moises nga akong alagad. Ayaw isalikway ang bisan unsang bahin niini ug molampos ka bisan asa ka.

Walay makabuntog kanimo sa tibuok mong kinabuhi. Mag-uban ako kanimo ingon sa pag-uban ko kang Moises ug dili ko gayod ikaw pakyason o biyaan.

Lig-ona ang imong kaugalingon ug pagmaisog kay mangulo ka niining katawhan sa pag-ilog niining yutaa nga akong gisaad nga ihatag sa ilang mga katigulangan.

Sumala sa giingon ko kang Moises, gihatag ko kaninyo ang tanang yuta nga inyong pagaagian.

“Patay na si Moises nga akong alagad. Busa ikaw ug ang tanang katawhan sa Israel, pangandam kamo sa pagtabok sa Suba sa Jordan ug lakaw ngadto sa yuta nga gihatag ko kaninyo.

Human mamatay ang sulugoon sa GINOO nga si Moises, ang iyang katabang nga si Josue nga anak ni Nun giingnan sa GINOO

Ang mga utlanan sa mga yuta ninyo magsukad sa kamingawan sa habagatan hangtod sa kabukiran sa Lebanon sa amihanan ug gikan sa dakong Suba sa Eufrates ug sa kayutaan sa mga Hitihanon sa silangan hangtod sa Dagat sa Mediteraneo.

Patyon si bisan kinsa nga mosupak o dili motuman sa imong mga sugo. Lig-ona ang imong kaugalingon ug ayaw pagtalaw.”

“Suroya ninyo ang kampo ug sultihi ang katawhan, ‘Pangandam kamo sa inyong mga dad-onon kay tulo ka adlaw gikan karon manabok kamo sa Suba sa Jordan aron pag-angkon sa yuta nga gihatag kaninyo sa GINOO nga inyong Dios.’”