Beliebte Verse in Rōmano 13

Teilen

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

E hāpaꞌo ꞌo ai tuꞌu tārahu. Te tārahu mau nō mo ai ōꞌou he haŋa ki te rua; te kope haŋa ki te rua e haka tano ꞌana i te meꞌe taꞌatoꞌa kī ꞌi ruŋa i te ⌊haka tere iŋa ꞌa Mōtē⌋.

E haꞌatura kōrua taꞌatoꞌa ki te nuꞌu ko rāua te pūꞌoko haka tere henua. Taꞌe i ai tahaŋa nō i a rāua te aŋa era; o te ꞌAtua i haŋa ꞌe i haꞌatiꞌa mo topa pē ira.

Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

Te kope haŋa ki te rua e ko aŋa i te meꞌe taꞌe tano ki rā kope. Te meꞌe taꞌatoꞌa kī, paꞌi, o ruŋa i te roŋo o te ꞌAtua e tano tahi ena hai haŋa ki te rua.

E ꞌauhau te meꞌe taꞌatoꞌa ena mo ꞌauhau ki te nuꞌu ki a rāua ana ꞌauhau koia ko moꞌa i a rāua. Te ŋā meꞌe nei he meꞌe mau ꞌā mo aŋa e tātou.