Beliebte Verse in Māteo 16

Teilen

He kī ia e Ietū ki tū nuꞌu taꞌatoꞌa hāpī era ꞌāꞌana: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

He vaꞌai atu au i te tāviri o te ⌊haka tere iŋa ꞌāpī o te ꞌAtua⌋; te meꞌe mo taꞌe haꞌatiꞌa e koe ꞌi te ao nei, ko taꞌe haꞌatiꞌa takoꞌa ꞌā ꞌi te raŋi, ꞌe te meꞌe mo haꞌatiꞌa ꞌi te ao nei, ko haꞌatiꞌa takoꞌa ꞌā ꞌi te raŋi.

»Te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope haka rē i tāꞌana meꞌe haŋa mo haꞌatura mai ki a au he ravaꞌa e ia i rā ora.

»ꞌIna e tahi auraꞌa mo te taŋata ai i tāꞌana meꞌe taꞌatoꞌa haŋa o te ao nei ꞌe ꞌina i a ia te ora ꞌāpī ꞌina he hopeꞌa raꞌa. ꞌIna e tahi meꞌe mo vaꞌai ꞌo mo aŋa e te taŋata mo ꞌauhau ki te ꞌAtua mo ravaꞌa i rā ora.

—ꞌE, ki te kōrua kī, ¿ko ai a au? He pāhono ia e Tīmona, e kī takoꞌa era ko Pētero

He kī e Ietū: —¡Ko te koa i a koe, e Tīmona, poki ꞌa Hōnā ē! Te meꞌe ꞌite ena e koe taꞌe o te taŋata i haka ꞌite atu, o tōꞌoku Matuꞌa o te raŋi.